Галоўнае -- адчуванне еднасці, якое несумненна было на гэтай сустрэчы. Можна спрачацца пра што заўгодна, але ж ніколі не чула, каб хто спрачаўся праз казку Казка нас з маленства з цэлым народам яднае. А беларуская казка -- усім казкам казка -- гэта ўжо навукоўцы даказалі а жыццё ад сівой даўніны сцвярджае гэта.
Шмат разоў у зязюлькі пыталіся:
Колькі жыць засталося пад сонцам?
Што казаць, кожны раз спадзяваліся,
Што куваць яна будзе бясконца.
Раптам птушка пачула нясмелае,
Незвычайнае дужа пытанне:
Колькі жыць засталося мне, шэрая,
Да жаданай сустрэчы з каханнем?
І зязюлька зусім разгубілася,
Цяжка ўцяміць птушынай галоўкай:
Чаму першай з усіх я малілася,
Каб хутчэй, каб хутчэй яна змоўкла!