Мохкбегийна Нохчийчохь - неlалташ ду стиглара чудуьссуш

Хаттар: Ассаламу Iалайкум. ХIинцца чIогIа мохкбегий кхузахь Нохчийчохь, хIара хIун ду те, тIаьхьара ханчохь чIогIа Iеса даьлла вайн адам, цхьаъ дин тIе харцо кхуллуш, важа никъаб охьайоккхуш, важа нехан сий тIе кхийдаш, цундела ду те хIара, ма кхераме хьал ду-кх кхузахь, хьехар дахьара ахь тхуна.
Жоп: ВаIалайкумуссаламу варахьматуллахIи ва баракатухI!
АллахIа диканна дойла иза, АллахIа кхин сов ца хуьлуьйтуш, дlадоьрзийтийла.
Ахь дагардинарш дерриге а ду даккхий белхаш, амма царна бекхам иштта ца богIу. Ткъа сан шеко а яцара иштта дерг хир долуш хиларна тIехь, делахь а, доккхачу зенца, къам хIаллакдеш ма хилийта олий, дора ас Деле доIа!
ХIинцца, дукха хан йоцуш, дерриге вайн къомо кхайкхийна неIалташ ду-кх стиглара чудуьссуш, кхин вай цецдовла хIумма а дац. Цец со баккъал а вер вара, нагахь, кхин хIумма а ца хуьлуш, иза тIехдаьллехь. ХIинца Далла хастам бо, кхин доккха ца хилийтарна, вайна хьакъ дерг ца хилийтарна!
Ма кхайкхаде и неIалташ аьлча хьо бехке волуш, вониг волуш, ладугIуш стаг воцуш, дерриге къомо кхайкхийна неIалташ ду-кх чудуьссуш. Воккханиг ву-кх аьлла, хьекъал луш воккханиг воцуш, Iилманан агIо юьйцуш ву-кх аьлла дог-йовхо хила, лелош цу Iилманан некъ боцуш, ванах, верриге хIунда ву те хIоккхул сонта бохуш, коьртехь кхолладеллачу хаттарна жоп ца карош, массара а неIалташ кхайкхош, бисинарш цу хьолана реза а хилла Iар ду хилларг. Пайхамар ша воллушехь, и Пайхамар (саллаллахIу IалайхIи ва саллам) кхийрина долчу неIалтах вайн къам кхерра цахилар ду. Бекхам АллахIа кхин сов ца беш, дlадоьрзийтийла иза. https://t.me/Vragi_iblisa