Цо к1иго мухъалда баян гьабизин,

Гьаб интернеталъул, бечедаб тарих .
Цо хъах1аб т1анчида, хъвай-хъваг1аялъулъ,
Рехсон телин дур ц1ар абадиялъе
Г1умру биччаниги г1амал хисич1еб,
Ирсалъе рит1ухъаб т1екълъи рихараб.
Рек1елъ ях1 бергьараб дир гаргадиро,
Ц1умил бусен лъураб г1агараб инет.
Т1абиг1ат берцинаб гьаб дир интернет
Т1угьдулг1адал ясал кьерилал васал
Бихьун бер сунареб нилъер гьал сайтал
Х1асраталъул гьудул буго нилъер гьаб
Гьоболлъи гьудуллъи ц1унараб свери
Гьанир кьуру г1адал г1олилал руго
Ватцап цапун гьелъий лагълъи гьабулел
Кьурул ц1умалг1адал умумул руго
Намус ях1 бичич1ел чилъи рехич1ел
Росу берцинлъулел ясалги руго
Одноклассниказе лагълъи гьабулел
Контакталин руго, инстаграмм буго
Бихьизабе сурат гьанже халкъалда
Вореги бахчоге ,нужор берцинлъи
Лъе интернеталда, бихье халкъалде
Интернет цапулел нилъги ч1анани
Нилъ къот1нор хут1ила къадал ракьалда
Къиралхабазецин рокьул кьоги лъун
Нилъ кьурулъ хут1ила кьурул сак1ги кун
Г1ищкъул поэтазул гьалдолел сонал
Пашманал рук1ана сариназдаса
Рокьул рачел къарав пуланав чияс
Чундузде бук1ана бикьулеб ургъел
Почтовый кагътиде керенги чучун
Бук1ана г1олилаз рокьи гьабулеб
Щакъидул пероца къварилъи бицун
Гьелдалъун бук1ана гьабулеб балай
Ватсап цапулаго заманги биччан
Чанги сордо ана ватцапалъур къан
Цо пуланав чияс гьабураб инет
Гьаб халкъалъе щвараб алжанул бок1он
Бокьула дие мун г1агараб ватцап
Киназго беццулеб рух1ияб щайт1ан
Гьобол гьудуласде нилъ урхъиларо
Ватцапалъуб буго кинабго агьлу
Росулъ къват1ир рахъун чи ватич1они
Лъугьа вацапалъур гьенир ратулин
Мунг1адаб берцинаб программа гьеч1ин
цо-цо г1абдаласги калам гьабула
Бот1ролъа камурав цо гъаримасги
Дур берцинлъиялъул къойил бицуна
Гьанже интернеталъ г1адло гьабуна
Гьаб интернет г1умро г1ужде бачине
Гьаниб г1адил кьезе гъуждул гурана
Сайтал данделъана диван ургъана
Цинги г1ак1а чияс г1ак1а ах1ана
- Цо т1аде ах1долеб цо хъвадарулеб
Х1урмат кьолеб толеб тайпа гуро гьаб
Букъун зар бихьулеб къулун час ккулеб
Рагъул кьвагьи кколеб кьалул к1к1уй унеб
Интернеталъубе г1адлу лъвинаро
Къо бихьун г1уц1арал хирияй сайтал
Вацапалъул вацал г1адатияб халкъ
Т1аде рач1аразул х1урмат гьабулеб
Х1ажда х1усуд дагьал гьал дир группаби
(ТаКи)....