Таъмагирни тортқилаб,

Нафси кўймас дейдилар.
Нокас ўзи тўйса ҳам,
Кўзи тўймас дейдилар.
Боқ бу ёруг оламга-
Кимлар зўрга кун кўрар.
Одамлар бор, боғдаги
Булбулдан хам пул сўрар.
Ёлгон дунё-бу дунё,
Арзон дунё -бу дунё.
Не-не ҳоким, беклардан
Колган дунё-бу дунё.
Киприкдан хам кискадир
Молу дунё йўллари.
Ибрат бўлсин Искандар
Очик кетган қўллари.
Узат дейсан, бер дейсан,
Хеч кўймадинг одамзот.
Туя тўйди, фил тўйди,
Сен тўймадинг, одамзот.
Шукр қилар ҳаттоки,
Кумурсқа паррандалар,
Шукр дейсан сен качон,
Хом сут эмган бандалар?
Мухаммад Юсуф