🌺🌹🌺AY SONA YETDİ🌺🌹🌺

Eşq badəsini içdiyimiz ay sona yetdi..
Uddun ya uduzdunmu görən, day sona yetdi.
Bilmişsən əgər qədrini xoş haluvə onda..
Yox bilməmisənsə sənə ay-hay, sona yetdi..
Ey xeyrə həris nəfs sənə bəs etmədi dərya?
Rəhmətlə bir ay bunca axan çay sona yetdi..
Qismətdə yenə var Ramazan isə nə yaxşi..
Yoxsa bu ömür günlərini say, sona yetdi.
Qoydun başına müshəfi-Quranı bu ayda..
Aldın o gecə mənəvi bir pay, sona yetdi..
Hər günü şirin, anı şirin, yadı şirindir,
İftarə pulov, sübhə şirin-çay, sona yetdi..
Bir ömrü hədər verdi əgər şeytana qafil...
Qəflətlə edər rəhmət ayın zay, sona yetdi...
Ey fəzli böyük, ey gözəl Allah bizə rəhm et...
Fəzlin sona yetməz nə olar ay sona yetdi?