✅ İxlas təqvanın sütunudur.

💎 Allah-taala təqvalı insana bir neçə vəd vermişdir.
📖 Qurani-Kərim Təlaq surəsinin 11-ci ayəsində buyurur:
وَمَن يَتَّقِ اللَّهَ يَجْعَل لَّهُ مَخْرَجًا
"Kim Allahdan qorxsa, (Allah) onun üçün (çətinliklərdən) çıxış yolu qoyar."
📖 Qurani-Kərim Ənfal surəsinin 29-cu ayəsində buyurur:
إِن تَتَّقُواْ اللّهَ يَجْعَل لَّكُمْ فُرْقَانًا
"Ey iman gətirənlər, əgər Allahdan qorxsanız, O, sizə (haqla batili bir-birindən) ayırd edən bir qüvvə verər"
🟢 Biz təqvalı olsaq, insana çox şeylər verərlər. Allahın dərgahı xəsislik mövcud deyil.
Gecə namazının şirinliyini də sizə verərlər.
Kumeyl duası oxumaq halını da sizə verərlər.
⭕️ Diqqətli olmaq lazımdır ki, uğur və müvəffəqiyyətlər yalnız günahları tərk etməkdədir.
♻️ İlahi, bizi təqvalı et!
Vəzifə (öhdəlik) olaraq yerinə yetirilməsi bizə lazım olan və etdiyimiz əməllər nəfsi istək üzündən olmasın.
🟡 Əgər əməllərdə ixlasımız olsa, bütün vücudumuzla Allah üçün iş görsək, vücudumuzda və həyatımızda nur və bərəkət yaranar. Buna görə də, təqvanın dərəcəsi nə qədər ali olarsa, "furqan", yəni haqla batili, düz ilə səhvi ayırd etmə və həqiqətləri müəyyən etmə qüvvəsi də daha yaxşı və daha ali olacaqdır.
Kumeyl duasında belə deyilir:
یا رب قوّ على خدمتک جوارحى
”İlahi, Sənin Özünə xidmət etmək üçün mənə qüvvət ver!"
✔️ Yəni, gözümüz, qulağımız, əlimiz və ayağımız qüvvətli olsun ki, həyatda olduğumuz müddətcə ibadət halımız olsun.
🔷 İlahi! Bizi ruhumuzun nöqsanlarına, iman və əməllərimizin qüsur və eyiblərinə agah et. Sonra isə, bizi özümüzü islaha müvəffəq et.
🔶 Bəzən adam özü barədə belə düşünür ki, çox yaxşı adamdır. Bəzən belə təsəvvür edir ki, gecə namazı qıldığına görə, yaxşılar cərgəsindədir.⬇️
➡️ Əmirəlmöminin Əli əleyhissalamın dostu Kumeyl belə deyir:
“İmam Əli (ə) ilə Kufə şəhərində gecə vaxtı yol gedirdik ki bir şəxsin uca səslə Qurani-Kərimin Zumər surəsinin 8 və 9-cu ayələrini oxuduğunu eşitdik.
Elə gözəl səslə oxuyurdu ki, məni silkələdi.
İmam Əli (ə) mənə buyurdu: “Bu səs səni təəccübləndirməsin, bu səsin sahibi cəhənnəm əhlidir”.
Bir neçə gün sonra Nəhrəvan döyüşü baş verdi. Döyüşün sonunda İmam Əli (ə) məni çağırdı, məhv edilmiş münafiqlərdən birinin cənazəsinin yanında dayanıb Zumər surəsinin 8 və 9-cu ayələrini tilavət etdikdən sonra buyurdu: "Bu adam, gecə vaxtı gözəl səslə Qurani-Kərimi oxuyan həmin şəxsdir."
⚠️ Odur ki, kiçik əməllərimizi böyütməyək, əməllərimizə arxayın olmayaq.
İnsan həmişə özünü Allahın pənahında qorumalıdır. Əgər belə olmasa, aqibətinin necə olacağı və nəfsi istəklərin onu hara aparacağı məlum deyil.