Конференциялар Лигасига қура ташланди: "Челси" Қозоғистонга боради, "Бетис" Молдовага сафар қилади.

Монакода Конференциялар Лигасининг 2024/25-йилги мавсуми умумий босқичига қуръа ташлаш маросими бўлиб ўтди.
36 та жамоа ўз рақибларини билиб олди.
Конференциялар Лигасининг гуруҳ босқичи 3-октябрда бошланади ва 19-декабрда якунланади.
Очколар умумий жадвалда ҳисобга олинади.
Энг яхши саккизта жамоа тўғридан-тўғри 1/8 финалга йўл олади.
Қолган саккизта йўлланма 9-24-ўринларни эгаллаган жамоалар ўртасида плей-офф босқичида ўйналади.
25-36-ўринларни эгаллаган жамоалар еврокубоклардаги иштирокини тўхтатади.
Гуруҳ босқичи ўйинларининг якуний тақвими ва бошланиш вақтлари 31-августдан кейин эълон қилинади, чунки Чемпионлар Лигаси ва Европа Лигаси жамоалари ўша куни бир шаҳарда ўйнамаслиги лозим.