იცით?

უკვე გაზაფხული ვიპოვე,
ჩემს ბაღჩაში ხე-ხილს დავაკვირდი,
ალუბლის ხეს ულამაზეს ტოტებზე,
სულ ტყუპ-ტყუპად დაეყარა კვირტი.
ახლოს მიველ, მივეფერე ნაზად და
შემომცინა, გაზაფხული მახარა,
ჩავჩურჩულე - რად იჩქარე სტუმრობა?
ჯერ ხომ ისევ ზამთარია პატარავ.
თითქოს უცებ გაბათილდა ეს კითხვა,
დავინახე სულ ახალი სიმწვანე,
ღობის ძირში მოსულიყო ჭინჭარი,
არ მახსოვდა დასუსხვა და სიმწარე...
დავიხარე, ყველა ხელით მოვსინჯე,
ბუჩქ-ბუჩქ თავი წამოეყოთ მიწაზე,
მე ვიხილე, როგორ იბრძვის სიცოცხლე,
გაზაფხულო! შენი ძალა ვიწამე.
ავტორი ანნა ზაკალაშვილი
26.01.2015.წ.
მალე გაზაფხული მოვააააააააა