Ata mashgalada döwlet-baýlykdyr,

Eneñ bolsa ýashaýyshyñ toýlukdyr,
Akmaga bahasy ýeke shaýlykdyr,
Garrylañ altyndan gymmat sözleri,
Hiç haçan ynjytmañ ol EZIZLERI!
Ata mehri deñi taýsyz duýgudyr,
Ene mehri ody öçmez söýgûdir,
Saña gezim-seýil, oña gaýgydyr,
Garrylañ gelinçäñ ýolda gözleri,
Hiç haçan ynjytmañ ol EZIZLERI!
Olar körûñ gözi, keriñ gulagy,
Aç-suwzuza çörek çeshmäñ bulagy,
Agzybirlik-saglyk olañ dilegi,
Mehirli-mylaýym nurly ýûzleri,
Hiç haçan ynjytmañ ol EZIZLERI!
Taryhda mukaddes sahypa olar,
Durmushda shägirde halypa bolar,
Egrileri dogry galyba salar,
Olaryñ gymmatly dana sözleri,
Hiç haçan ynjytmañ ol EZIZLERI!
Olar abraý, atdyr ýene ynsapdyr,
Agyr gûnûñ soragyna jogapdyr,
Niýeti ýagshydyr, ýûregi sapdyr,
Howlugyñ görmäne nurly ýûzleri,
Hiç haçan ynjytmañ ol EZIZLERI!