Мюллер «Барселона»га қарши ўйин ҳақида гапиришни истамади

«Бавария» ҳужумчиси Томас Мюллер мюнхенликларни олдинда кутаётган ўйинлар ҳақида ўз фикрини билдирди.
«Барселона»га қарши ўйин? Ҳозир бор эътиборимизни, биринчи навбатда «Штутгарт»га қарши ўйинга қаратганмиз. Улар Бундеслиганинг топ жамоасига айланишди. Кейин эса «Барселона»га эътиборимизни қаратамиз», - деди 35 ёшли германиялик форвард.
Маълумот учун, Бундеслига доирасидаги «Бавария» - «Штутгарт» ўйини 19 октябрь куни бўлиб ўтади.