Анчелотти: «Жуда муҳим ғалаба.

Топ-8га кириш қийин, аммо яна икки ўйинимиз бор»
«Реал» бош мураббийи Карло Анчелотти ЕЧЛ 6-туридан ўрин олган «Аталанта»га (3:2) қарши баҳсдан сўнг ўз фикрлари билан ўртоқлашди.
«Мбаппенинг жароҳатига ортиқча зўриқиш, соннинг орқа қисмидаги ноқулайлик сабаб бўлди. Бу жиддий эмасга ўхшайди, эртага кўрамиз. У югура олмади, жароҳат уни безовта қилди.
Бу — жуда муҳим ғалаба, бу ерда ҳамма ҳам ютолмайди. Биз чидадик ва курашдик. Чемпионлар Лигасида сабрли бўлиш керак.
Рақиб кучли прессинг қилди, лекин биз иккинчи бўлимни яхши бошладик. Жуда хурсандмиз. Бу ғалаба фақат очколар учунгина эмас.
Кучли саккизликка кириш қийин, аммо очко олишимиз учун яна икки ўйин бор», — дея италиялик мутахассиснинг сўзларини келтиради Marca.