"ПСВ" тарихида бу ҳодиса илк марта содир бўлди

Нидерландия чемпионатининг 21-тури ўтказилди ва "ПСВ" кутилмаганда маҳаллий НEК клубига қарши баҳсда очко йўқотди.
Бу ўйиндаги барча воқеалар иккинчи бўлимда бўлиб ўтди, эллик иккинчи дақиқада де Йонг ҳисобни очган бўлса, 76-дақиқадаёқ нидерланд футболи гиганти фойдасига ҳисоб 3:1 кўринишига келиб бўлганди.
Аммо кейин ақл бовар қилмайдиган нарса содир бўлди. Аввалига айнан 90-дақиқада Сиогаи ҳисобни қисқартирган бўлса, ҳакам томонидан қўшиб берилган дақиқалар охирида у ҳисобни тенглаштирди.
Маълум бўлишича, "ПСВ" ўз тарихида илк бор Нидерландия чемпионати ўйинида икки тўп фарқи билан олдинда бора туриб, ғалабани қўлдан бой берган.