Ёмғир ёғар юракни эзиб

Бу дилдаги аламни сезиб
Армонлардан юрагим безиб
Бугун сизни жуда соғиндим...
Орзулардан кўпдир армоним
Ёришмайди мовий осмоним
Тунлардаги олган оромим
Бугун сизни жуда соғиндим...
Соғинч тоти ширин бўларкан
Соғинганда юрак тўларкан
Азобларга бу дил кўнаркан
Бугун сизни жуда соғиндим...
Кўрмоқ учун талпинар юрак
Яшаш учун кўрмоқ ҳам керак
Сизни тезроқ кўрмоғим керак
Бугун сизни жуда соғиндим...