Меникисан, тамом де бас қил,

Гуллатмагин рашкнинг боғини.
Туйғуларим қилмайди таҳлил,
Ўзга дилнинг ўт қучоғини.
Сўра, асло қолмасин ғариб,
Саволингнинг бирор жавоби.
Хаёлингсиз ёзилмас ахир,
Кунларимнинг ҳеч битта боби.
Қўй, севгимга осма тарози,
Миқдорлама соғинчларимни.
Ишқ бўлмасин бизларга қози,
Азоб тирнар ич-ичларимни.
Йиғлатмагин...
Қара, кўзимдан,
Сел келмоққа турибди-ку шай.
Нима қилай, эп йўқ сўзимда,
Мен севаман сени индамай!
Гиналанма...
Кел, қўлларимга,
Юрагимни олиб бер териб.
Сезмайсанми, қарашларингдан,
Бутун борим бормоқда эриб...
Меникисан,тамом....де...