#қадр

Ота вафотидан олдин фарзандини чақириб, қўлига бир соат тутқазиб, деди: бу соат 200 йил олдин ясалган соат, бизга бобонгнинг боболаридан мерос. Сен буни маҳалла бошидаги соатчига олиб бориб сотмоқчи эканингни айт ва унинг жавобини менга олиб кел,- деди.
Фарзанд отаси буюрган жойга бориб келди сўнгра дўкончининг: "соатинг эски экан, беш доллар бераман" деганини айтди.
Ота: энди буни қадимий нарсалар-антикварлар сотиладиган жойга олиб бориб жавобини олиб кел деди. У жойга ҳам бориб келган фарзанд, отасига соатнинг нархи беш минг долларга етганини айтди. Сўнгра ота ўғлига соатни музейга олиб боришини ва уни сотмоқчи эканини айтишини тайинлади. Музейга бориб келган ўғил отасига: "музейдагилар соат мутахасисини опкелиб текширишди сўнгра шу бир дона эски соатга миллион доллор беришларини айтишди",- деди.
Шунда ота ўғлига қарата: Болам, сенга ўргатмоқчи бўлганим шуки, тўғри танланган жой сенинг қийматингни тўғри белгилайди, аввал ўз ўрнингни тўғри белгила, кейин сенинг қадр-қийматингни билмасалар дарғазаб бўлиб юрмагин. Қадрингга етадиганлар сенинг қийматингни билганлардир, харгиз ўзингга мос бўлмаган жойда қолма.
(Арабчадан эркин таржима)
Содиқ Муҳаммаджон facebook саҳифасидан олинди.