DILDORA.

Garchi haryon yetsa ham
qo'lim,
Yor tomonga tushmas hech yo'lim.
Butkul mag'lub etmasdan o'lim,
Go'zal meni eslar bir bora,
Sevganimning ismi Dildora.
Yuzlariga mayus qarayman,
Barmog'imla sochin tarayman.
Otasidan qo'lin so'rayman.
Rozi bo'lib qolsalar zora,
Sevganimning ismi Dildora.
Muhabbat bu ko'ngil bozori,
Tugamaydi hech ham ozori.
Xusniddinning yo'q boshqa yori,
Qalbim uni sevar tobora,
Sevganimning ismi Dildora.
Hafa bo'lmang mendan hoy qizlar,
Ko'zi shahlo yuzi qirmizlar.
Siz ham undan kam emassizlar,
Ko'nglim unda yo'q boshqa chora,
Sevganimning ismi Dildora.