წუთისოფელი

რამდენს უნდოდა , წუთისოფელი
რომ თავის თავზე კოხტად მოერგო.
ისე წავიდა ბევრი მოკვდავი ,
რისთვის მოვიდა , გონს ვერ მოეგო .
... თუმცა ჯიუტად მაინც ეცადა ,
რაღაც ეშოვა , რამე მოეგო .
ბევრმა იარა გზა ეკლიანი .
ზოგმა , ისე რა - ოდნავ მოეკლო .
ზოგმა იგვემა და იმარტვილა .
ზოგი ცდილობდა , არა მოეკლო .
ყველა წავიდა , როგორც მოვიდა
და ცას ვერავინ ვერ გამოეკრო .
ნეტავი იმას , ვინაც ეცადა
ადამიანის გული მოეგო !
ნეტავი იმას , ბოროტის სიტყვას
ვინც არ უსმინა . არ წამოეგო !
ნეტავი იმას , ვინაც მოასწრო
თვალის ახელა და გონს მოეგო!
სული აანთო , როგორც სანთელი,
რომ წყვდიადიდან გზა გამოეგნო!
ალეკო ჩინჩალაძე . 10 . 11 . 18 .