Наврўз айёмингиз муборак, азиз юртдошлар!

Бугун, 21 март миллий ва қадимий байрамимиз Наврўз нишонланадиган кун!
Наврўз халқимизнинг энг севимли байрамларидан бири ҳисобланади. Чин маънода баҳор байрами. Бунда дастурхонлар ноз-неъматларга тўлиб тошади, дошқозонларда сумалагу халимлар қайнайди. Ёшларни айтмайсизми, қизлар сочларига жамалак тақишади, болажонлар эса қўлларига варрак олиб қир-адирларга ошиқишади. Шундай ажиб ва қутлуғ кун барчамизга муборак бўлсин!