Күп кирәкме, бәхетле булырга?

,
Бәхет ни ул, җавап табалмыйм..
Юкса миңа, күп тә кирәк түгел,
Ни кирәген генә аңламыйм.
Мин сүрәтләп карыйм хыял аша,
Мәхәббәтме бәхет? Кем белә?
Һәр кешенең аңа үз карашы,
Бәхет итеп , кем соң, ни күрә?
Гарип эзли бәхет, исәнлектән,
Ярсыз калган, күрә үз парын.
Бала юкта, бала табу бәхет,
Нәрсәсе юк, эзли ни барын.
Кинәт кенә ( ышанулар авыр)
Булсын, бар да гел дә бәхетле..
Барыбер дә нидер җитмәс иде,
Түзә алмас, кеше рәхәтне.
Бар да бәхет сорый, бер Аллаһтан,
-Яракла!— дип, минем эшемне
Димәк бәхет, тормыш туллыкта?
Тулы бәхет, боза кешене..?
Гел дә нидер җитмәгәндә генә,
Көтеп алда бәхет киләсен..
Син яшисең, әле гел бәхетле,
Шатлана да белә, көләсең..
Рамзис Мишәр.