Արմեն Պետրոսյանը` սիթքոմի ամանորյա անակնկալի ու 4-րդ եթերաշրջանի մասին: «Ֆուլ հաուս»-ի տաղավարում արդեն Ամանոր է, ավարտին է մոտենում սիթքոմի 3-րդ եթերաշրջանը, դե իսկ Life.panorama.am-ը «Ֆուլ հաուս»-ի պրոդյուսեր Արմեն Պետրոսյանից փորձեց հետաքրքրվել, թե ինչպիսի զարգացումներ եւ ավարտ կունենա սիրված սիթքոմի 3-րդ եթերաշրջանը, որը համընկնում է Ամանորի հետ, ինչպես նաեւ հետաքրքրվեց «Ֆուլ հաուսի» առաջիկա համերգային գործունեության ու հետագա ծրագրերի մասին: Արմեն Պետրոսյանը, չբացելով հիմնական գծերը, ակնարկեց, թե ի՞նչ է սպասվում «Ֆուլ հաուս»-ի 3-րդ եթերաշրջանի ավարտին, ինչպես նաեւ առաջինը մեզ վստահելով՝ պատմեց «Ֆուլ հաուս»-ի ամանորյա անակնկալի մասին. «Երեկու օր առաջ ավարտեցինք «Ֆուլ հաուսի» 3-րդ եթերաշրջանի նկարահանումները, իսկ վերջին սերիան եթերում կլինի դեկտեմբերի 31-ին, հետեւաբար «Ֆուլ հաուս»-ում եւս Նոր տարի կլինի: Այս մեկ ամսվա ընթացքում սիթքոմում մի շարք անավարտ գծեր կունենան իրենց հանգուցալուծումները, իսկ վերջին սերիայում շատ բաներ կբացահայտվի. այն, ինչ այս ամիսների ընթացքում հեռուստադիտողի համար գաղտնի էր, անհասկանալի, վերջին սերիայում կպարզվի: Նաեւ վերջին սերիայում մի անակնկալ ենք պատրաստել՝ Արսենի կերպարը, ով նաեւ կերպարով է երգիչ, կներկայացնի նոր երգի պրեմիերա, որը կնվիրի բոլոր նրանց, ովքեր սիրահարված են, իսկ հեռուստադիտողն էլ կհասկանա, թե «Ֆուլ հաուս»-ի սահմաններում նա ո՞ւմ համար է երգում եւ ո՞ւմ է նվիրում այդ երգը: Այսինքն՝ «Ֆուլ հաուս»-ի վերջին սերիայում կլինի նաեւ երգի պրեմիերա ոչ թե Միրան Ծառուկյանի, այլ Արսենի կերպարի կողմից»,- պատմեց նա: Հետաքրքրվելով, թե «Ֆուլ հաուս»-ում սիրավե՞պ է սկսվելու Արսենի եւ Արփիի միջեւ, Արմեն Պետոսյանը պատասխանեց. «Նրանց հնարավոր սիրավեպի մասին արդեն ակնարկ արվում է այս եթերաշրջանի սերիաներում, մարդիկ արդեն հասկացել են, որ նրանք սիթքոմում անտարբեր չեն միմյանց նկատմամբ, իսկ թե դրա զարգացումը ինչպե՞ս կլինի, արդեն պարզ կդառնա 4-րդ եթերաշրջանում»:
Հայտնի է «Ֆուլ հաուս»-ի վերջին սերիայի օրը.
Արմեն Պետրոսյանը` սիթքոմի ամանորյա անակնկալի ու 4-րդ եթերաշրջանի մասին: «Ֆուլ հաուս»-ի տաղավարում արդեն Ամանոր է, ավարտին է մոտենում սիթքոմի 3-րդ եթերաշրջանը, դե իսկ Life.panorama.am-ը «Ֆուլ հաուս»-ի պրոդյուսեր Արմեն Պետրոսյանից փորձեց հետաքրքրվել, թե ինչպիսի զարգացումներ եւ ավարտ կունենա սիրված սիթքոմի 3-րդ եթերաշրջանը, որը համընկնում է Ամանորի հետ, ինչպես նաեւ հետաքրքրվեց «Ֆուլ հաուսի» առաջիկա համերգային գործունեության ու հետագա ծրագրերի մասին:
Արմեն Պետրոսյանը, չբացելով հիմնական գծերը, ակնարկեց, թե ի՞նչ է սպասվում «Ֆուլ հաուս»-ի 3-րդ եթերաշրջանի ավարտին, ինչպես նաեւ առաջինը մեզ վստահելով՝ պատմեց «Ֆուլ հաուս»-ի ամանորյա անակնկալի մասին.
«Երեկու օր առաջ ավարտեցինք «Ֆուլ հաուսի» 3-րդ եթերաշրջանի նկարահանումները, իսկ վերջին սերիան եթերում կլինի դեկտեմբերի 31-ին, հետեւաբար «Ֆուլ հաուս»-ում եւս Նոր տարի կլինի: Այս մեկ ամսվա ընթացքում սիթքոմում մի շարք անավարտ գծեր կունենան իրենց հանգուցալուծումները, իսկ վերջին սերիայում շատ բաներ կբացահայտվի. այն, ինչ այս ամիսների ընթացքում հեռուստադիտողի համար գաղտնի էր, անհասկանալի, վերջին սերիայում կպարզվի: Նաեւ վերջին սերիայում մի անակնկալ ենք պատրաստել՝ Արսենի կերպարը, ով նաեւ կերպարով է երգիչ, կներկայացնի նոր երգի պրեմիերա, որը կնվիրի բոլոր նրանց, ովքեր սիրահարված են, իսկ հեռուստադիտողն էլ կհասկանա, թե «Ֆուլ հաուս»-ի սահմաններում նա ո՞ւմ համար է երգում եւ ո՞ւմ է նվիրում այդ երգը: Այսինքն՝ «Ֆուլ հաուս»-ի վերջին սերիայում կլինի նաեւ երգի պրեմիերա ոչ թե Միրան Ծառուկյանի, այլ Արսենի կերպարի կողմից»,- պատմեց նա:
Հետաքրքրվելով, թե «Ֆուլ հաուս»-ում սիրավե՞պ է սկսվելու Արսենի եւ Արփիի միջեւ, Արմեն Պետոսյանը պատասխանեց. «Նրանց հնարավոր սիրավեպի մասին արդեն ակնարկ արվում է այս եթերաշրջանի սերիաներում, մարդիկ արդեն հասկացել են, որ նրանք սիթքոմում անտարբեր չեն միմյանց նկատմամբ, իսկ թե դրա զարգացումը ինչպե՞ս կլինի, արդեն պարզ կդառնա 4-րդ եթերաշրջանում»: