Фақатгина Хоразмликлар:

1. Уйига борсангиз, олдингизга барча нозу-неъматларни қўйиб туриб, кейин фақат бир мартагина «Олинг»деб айтади.2. Чойни ярим пиёла қилиб берсангиз, «тўлдириб қўй чойни» дейди.3. Уйида ейишга нон қолмаган бўлса ёки нима овкат пиширишни билмай боши қотса, палов пишириб ейди.4. Хоразмча шевада гапирсалар ҳам ўзларини хам ўзбек, ҳам хоразмлик деб биладилар.5. Йимирта баракни республикада «бренд» қилиб кўрсатиб, ўзлари «йимирта барак»дан ташқари баракнинг «кутир барак», «овуз барак», «тухум барак», «кади барак», «гук барак», «эт барак» деган ҳар хил турларини пишириб ейдилар.6. Бошқа жойларда «тухум барак» деб айтиладиган таом аслида «йимирта барак» эканлигини ва «тухум барак» деган таом бошқа эканлигини биладилар.7. «Ака» десалар «дада» ларини, «оға» десалар «ака»ларини айтаётган бўладилар. 8. Пиёлани «коса» деб ҳам айтадилар.9. Дунёдаги камдан-кам хом гўшт истеъмол қилувчи ҳалк хисобланадилар. Хом гўштдан қилинадиган «Ижон» одатда энг азиз мехмонларнинг олдига қўйилади. 10. 100 га якин қовун турлари бўла туриб, уларнинг орасидан «гурвак» деган қовун турини ўзларига рамз қилиб танлаганлар. Гурвакни факат қиска муддат ичида, яъни фақат маромига етиб пишгандагина ейиш мумкин. Шунинг учун у қовун экспорт қилинмайди. Уни ейиш учун албатта Хоразмга бориш керак. 11. Лазги рақсининг «9 тури»ни яратиб, бутун дунёни ўйнатганлар.12. Қўй гўштидан кўра мол гўштини кўпрок истеъмол қиладилар.13. Қора чойдан кўра, кўк чойни кўпроқ ичадилар.14. Ўзбекистоннинг ва дунёнинг барча шахарларига борган бўлиб, ўзларининг вилоятида жойлашган Хивани бирон марта томоша қилмаган бўлишлари мумкин.15. Пешонаси оппок одамга «манглайи қора» деб сўкиши мумкин.16. Ўзларини «Ал Хоразмий» деб айтишлари ҳам мумкин.17. Камида икки марта тост айтиб, ундан кейин ичкилик ичадилар.18. Қизларини «сотадилар». Яъни Хоразмда «қизни турмушга бермоқ» сўзи «Қизни сотмоқ»деб айтилади.19. Чойхонада эмас, эркак ошналардан ҳар сафар бирининг уйида йиғилиб, зиёфат қиладилар.20. Чугирма бизники деб фаҳрланадилар, лекин ўзлари деярли киймай қўйганлар.21. Совчиликка оила боши, яъни эркакларни юборадилар.22. Хафта кунларини «1-гун»,«2-гун»,«3-гун», «4-гун»,«5-гун»,«6-гун» ва «бозор гун» тарзида айтадилар.23. Зиёфатларини тонгда соат 3-4ларда «ун оши» деган овқатни еб тугатадилар.24. Телефонда гаплашиб бўлгач, охирида «яхши»дейишади.Айрим жойларда эса телефон қилиб бер демасдан телефонни уруп бер дейишади ва сўзини охирида хайирлашиб бўлиб «қўйдим» дейишади.25. «Гужум» дарахтининг нима эканлигини билишади.26. Уйларининг кириш дарвозасининг тепасига қўчкорнинг шохларини илиб қўядилар. 27. Уйларида «долон»деб аталувчи махсус катта хона қурадилар.28. Уйларини олдин, ховлини эса уйнинг орқа тарафига қурадилар. Яъни Хоразмда ховлидан ўтиб уйга бормасдан, уйдан ўтиб ховлига чиқасиз.29. Нон-туз тотмагунингизча сизни уйидан кетказмайди. Хатто уларнинг эшигини қоқиб, битта хабарни айтиб, уйга кирмасдан ортга қайтиб кетмокчи бўлсангиз хам, сизни кетказмасдан, югуриб бориб уйидан нон олиб чиқади ва сизни факат нондан бир бурда олиб еганингиздан кейингина «қуйиб юборади»!30. 15-20 йиллик келинлар кайнонага гапирмайдилар,факат биров орқали гаплашадилар.