Произошла проблема с интернетом
Войти
|
Регистрация
газета "Няръяна Нгэрм" и "Мынико"
6 окт
газета "Няръяна Нгэрм" и "Мынико" (На лесном диалекте ненецкого языка)
Мяту” таамна дятыԓяш”
Чуки ноптухуна куԓкаԓи” деча” ӈычимшту”. Ненымана тавсуԓта деча” вэйма”. Пу” тахана ӈука тэмс неша” канынԓаштут. Таԓям᾿ лекаԓ” выӈкна диԓина” нешаде” каныԓмантуӈ тайхана” шичиԓпёштутуӈ. Нум чешхамаӈ неԓьшуна Таԓкахай лекаԓ” мякна мансԓанна” лекаԓ” нешай” ӈысы”мана дятыԓяш”. Чуувна диԓина” нешади” прививкат ӈамтамантуӈ мэты вертолётхана мяту” таамна чиԓяш”. Гриппхат, сибирский’ язвахат, ԓат” дечахат, ӈай ӈыди” тавсуԓта” дечахат” выӈкна диԓина” нешаде” шичиԓпитоньш. Неԓьня лекԓы” нешаӈкна” каныԓмантуӈ нямна дюничаԓьшту”, шодютуӈ манэшту”, ԓаттуӈ, шейнтуӈ дет дюньшиԓюшту”. Кимя ни’ канэԓ, чикиӈ прививкат ӈамташту”. Лекԓы” маньшту”, тавсуԓта деча неньшаԓмана хомяхамтанана ниӈа. Выӈкна диԓина нешиӈ канаԓпата, чики минханта меԓ лекаԓ мят᾿ тош᾿ выни’та пиԓас᾿.
Прививкам’ ӈамтамы нешиӈ лекԓу вихиня” канаԓпата ӈотнан, ӈаԓкамана ни канаԓт. Ненымана ӈашкиудехена”, ӈаԓка нешаӈкна” тавсуԓта деча” вэйма”. Таԓям кимя” прививкам᾿ ӈамтаман ха᾿са”, чикедё” чупей шичиԓдятоньш”. Лекԓу” таньше нешай” шичиԓпё дятэԓп, Енкся Ильмович Пяк пон прививката шеԓташту, четаӈ ӈотнаӈ гриппхат, ԓат” дечахат ӈамтаӈа. Енкся Ильмович нянана дёԓимяшо маньшту: «Лекԓы чике дёԓьше хома шеԓтуӈ, нешади” хоман падиԓматуӈ нивӈа”. Лекԓы” вертолётхана дятэԓьш нешай” мяту” чупей коштутуӈ. Таньше мэматуӈ хома. Куняӈи” вэку”, пуша” каԓтан тӭвнана выни’ӈа”, чикидю дяԓян падеԓни”ив.
Ӈашкиуди” канмам манысаԓьшту”. Каԓитани”, ты” падиԓьчи”, чупей нешаде” канаԓмантуӈ тайхана шичиԓпитуӈ». Прививки” ӈамтампюмантуӈ камна лекԓы” ВИЧ-инфекциӈ дет манымантуӈ мэт нешай” кыму” нэхэпиш”. Кимяӈ мят куняна ӈаймям лекаԓки” тапатаманта мэт, ӈысы”мана нешай” дет ӈайта управленихина мансԓана Терентий Пяк дятыԓяш. Лекԓу” нятапёманта камна Терентий Юрьевич нешаӈкна дилтуӈ нямна дюничаԓяш. Дилма путахана ӈинԓимты, куԓкаԓи” деты шеԓ”, выӈкна мансԓани” дет тонԓюта”, ӈычимшту”. Таԓям чикидю” де’эмня каԓитани”, ты” падиԓьта” нешади” конԓампё управленихина мансԓанна” нешай” мяту” таамна дятэԓьшту”. Чуки похона ӈыдихийтуӈ шеԓ лекԓы” ӈука мяту” коӈаш. Выӈкна диԓина” нешади” таньше манысаԓьш Таԓкахай лекаԓ мякна мансԓанна” наԓаняна чепьӈаш”, четаӈ чики мансдямтоӈ манԓе дёԓьшиӈатуӈ.
1
Комментарии
Пт 13:43
Анита Яптик
Обновить
Для того чтобы оставить комментарий,
войдите
или
зарегистрируйтесь
газета "Няръяна Нгэрм" и "Мынико"
газета "Няръяна Нгэрм" и "Мынико" (На лесном диалекте ненецкого языка)
Мяту” таамна дятыԓяш”
Чуки ноптухуна куԓкаԓи” деча” ӈычимшту”. Ненымана тавсуԓта деча” вэйма”. Пу” тахана ӈука тэмс неша” канынԓаштут. Таԓям᾿ лекаԓ” выӈкна диԓина” нешаде” каныԓмантуӈ тайхана” шичиԓпёштутуӈ. Нум чешхамаӈ неԓьшуна Таԓкахай лекаԓ” мякна мансԓанна” лекаԓ” нешай” ӈысы”мана дятыԓяш”. Чуувна диԓина” нешади” прививкат ӈамтамантуӈ мэты вертолётхана мяту” таамна чиԓяш”. Гриппхат, сибирский’ язвахат, ԓат” дечахат, ӈай ӈыди” тавсуԓта” дечахат” выӈкна диԓина” нешаде” шичиԓпитоньш. Неԓьня лекԓы” нешаӈкна” каныԓмантуӈ нямна дюничаԓьшту”, шодютуӈ манэшту”, ԓаттуӈ, шейнтуӈ дет дюньшиԓюшту”. Кимя ни’ канэԓ, чикиӈ прививкат ӈамташту”. Лекԓы” маньшту”, тавсуԓта деча неньшаԓмана хомяхамтанана ниӈа. Выӈкна диԓина нешиӈ канаԓпата, чики минханта меԓ лекаԓ мят᾿ тош᾿ выни’та пиԓас᾿.