Куп терлаш сабаблари.

Сураган эдингиз.
Терлаш сабаблари:
* гормонал мувозанатнинг бузилиши;
*қаттиқ асабийлашиш, стресс, ҳаяжон, хавотир;
* оғир жисмоний машқлар, мушаклар зўриқиши;
* нотўғри тери парвариши;
* нотўғри овқатланиш (алкоголь, ёғли ва аччиқ овқатлар истеъмол қилиш);
* юқумли, эндокрин касалликлари, зарарли шишлар ва марказий нерв системасининг ҳар қандай патологияси;
* қандли диабет, томирларнинг варикоз кенгайиши;
* қалқонсимон без касалликлари.
Кўп терлаш тиббиётда гипергидроз дейилади.
Агар сизда терлаш ҳаддан ортиқ кузатилса, шифокор кўригидан ўтинг!
Бу ай­рим касалликлар белгиси бў­лиши мумкин.
Дарвоқе, ҳозирда гипергидроз дерматология клиникаларида замонавий муолажалар ёрдамида даволанмоқда.
Албатта, амал қилинг!
Терлашнинг олдини олишда энг ях­ши восита терини тоза сақлашдир.
Аввало, танангизни тоза ту­­тинг, гигиена қоидаларига риоя этинг.
Қўлтиқ остини тез-тез ювиб, қу­­ритинг.
Дорихоналарда сотиладиган махсус даволовчи антиперспирант­лардан фойдаланинг.
Кийим танлаётганда ҳаво ўт­казадиган, табиий матодан ишланганига эътибор қилинг.
Синтетик ва шун­­га ўхшаш нотабиий матолардан тикилган либослар сиздаги муаммони янада кучайтиради.
Таомномангиздан шўр, аччиқ, қо­вурилган егуликлар, қора чой, қаҳ­­ва, алкоголь сингари ичимликларни чиқариб ташланг.
Танангизга ёпишиб турадиган либосларни киймаганингиз маъқул.
Кун давомида кўпроқ сув ичиб туринг!
Албатта, кунига бир марта бўл­са ҳам танангиздаги терлайдиган соҳаларни илиқ сувда чайинг.
Ўзингиз билан нам салфеткалар олиб юринг.
Яна бир сабаб — ортиқча вазн
Вазни оғир кишилар озғин одамларга қараганда бу муаммодан кўпроқ азият чекишади.
Ортиқча вазн ту­­файли қон айланиши бузилиб, натижада терлаш жараёни ку­чаяди. Шу боис вазнингизни назорат қилинг!
Терлашга қарши воситалар
Дезодорантлар нохуш ҳид ва мик­робларни ўлдиради. Аммо терлаш жараё­нини меъёрлаштирмайди. Дезодорантни тоза ва қуруқ терига сепиш лозим
Кўп терлаш тер безларининг ортиқча фаолиятидан келиб чиқади.
Бунинг сабаби бирор касаллик бўлиши мумкин: қал­қонсимон без ка­салликлари, неврастения, қандли диабет, юқумли касалликлар.
Ай­рим дорилар таъсирида ҳам терлаш мумкин. Бунда тананинг ҳамма қисми терлайди.
Оёқ терлаши
Бу асосан эркакларда (баъзи аёлларда) учрайди. Оёқ терлашининг олдини олиш ва даволаш учун қуйидагиларга амал қилиш лозим:
мавсумга мос оёқ кийим ки­йиш, (иссиқ кунда тор, ёпиқ оёқ кийим кийишдан қочинг);
антибактериал совун билан кунига икки маҳал — эрталаб ва кеч­қурун ювиш;
ювилган ва қуритилган оёқнинг кафтига ва бармоқлар орасига тальк (қуруқлантирувчи кукун) сепиш;
махсус бактерия ва замбуруғларга қарши дезодо­рант­дан фойдаланиш;
оёқ терлашига қар­ши махсус крем, ментол ва камфорали ёғ суртиш;
доривор ўсимликлар дамламасида ванна қилиш;
ҳар куни оёқ кийимни кийишдан олдин уни шамоллатиш;
пайпоқларни тез-тез янгилаш;
ёз кунида кўпроқ оёқ яланг юриш.
Тузли муолажа
Икки стакан қайнаган сувга икки чой қошиқ туз солиб, аралаштирасиз. Бироз совигач, оёқларингизни ювасиз. Устидан совуқ сув билан чаясиз.
Содали
муолажа
Оёқларингизни содали сувда 10 да­қиқа ушлаб, кейин кир совунда яхшилаб ювасиз ва қуритасиз. Бу муолажани ку­­ни­га икки-уч маҳал бир ҳаф­тача қўл­ла­сангиз, муаммони бар­тараф этишга эришасиз.
Эсингизда бўлсин!
Тўпиқ териси касалликлари, хусусан, замбуруғда оёқ бармоқлари ора­си ёрилиб, қуруқшайди, қичишади ва териси кўчади.
Оёқ терлаб, бад­бўй ҳид тарқатади. Агар касаллик вақтида да­воланмаса, у мик­робли экземага айланиши ва бутун тана бўйлаб ёйилиши мумкин.
Шунингдек, агар оёғингиз терлаб, ҳидланса…
Кун ора пойабзални алмаштириб кийишга ҳаракат қилинг. Бу оёқ кийими ичидаги намликнинг қу­риши ва ҳавосининг алмашишига им­кон яратади.
Баъзилар душ қабул қилиб, ай­­нан оёқни тозалаб, бармоқларининг ораси ва таги билан со­­вунлаб ювишга ҳафсала қи­лишмайди. Бу эса касаллик кел­­тириб чиқаради.
Дезодорант, антиперспирант, гел ва шунга ўхшаш воси­талардан ётишдан олдин фойдаланган маъқул. Ушбу воситаларни фақатгина то­за оёққа қўл­лаш керак, акс ҳолда, бад­бўй ҳид янада кучайиб кетиши мумкин..
Формалин, спирт ва уротропин аралашмасига пахта шимдириб, ку­нига бир маротаба суртилади. Қўл­тиқ остига суртиш учун бу эритмага икки баравар сув қўшилади.
Кир совун
Терлашни бартараф этишда фойда берадиган энг осон ва хавф­сиз йўл.
Қўлланилиши: ишлатилмаган, янги кир совуннинг бир бў­­лагини илиқ сувда намлаб, қўл­тиқ остини ишқаланг ва шундай қол­­диринг!
Мойчечакли
дамлама
5 ош қошиқ мойчечак 2 литр қайнаган сувда дамланади. Бир соатдан сўнг унга 2 чой қошиқ сода солинади. Ушбу дамлама билан муаммоли соҳа бир кунда 7-8 марта артиб турилса, кучли терлаш сезиларли даражада камаяди.
Теймуров
пастаси
Жуда таъсирли, ишончли восита. Қўл­ланиши: 7 кун давомида қўлтиқ остига суртилади. Уни суртишдан олдин қўлтиқ ос­ти совунда яхшилаб ювилади.
Эрталаб туриб ювилади. Фақат ётишдан олдин суртилади.
Болалар упаси ҳам мазкур муаммони самарали равишда ҳал эти­ши мумкин...