Чорны бусел у Клецкім раёне: нястомны пошук кахання

Год таму мы расказвалі пра незвычайны выпадак: чорны бусел спрабаваў завабіць... белую бусліху! 😯
Па словах заолага Сяргея Шакалы сёлета чорны бусел ізноў сядзіць на сваім улюбёным слупе і не зводзіць вачэй з белай бусліхі, якая сядзіць на яйках.
👉 У дзікай прыродзе белыя і чорныя буслы амаль не перасякаюцца: чорны бусел вядзе скрытны лад жыцця ў лясах, а белы трымаецца бліжэй да людзей. Таму змяшаныя пары гэтых відаў – з’ява вельмі рэдкая, але міжвідавыя гібрыды цалкам магчымыя.
Ці знойдзе ён сваё шчасце?
Магчыма, наш герой не можа знайсці пару праз тое, што ў дадзенай мясцовасці мала лясоў і чорных буслоў.
Мы з захапленнем сочым за гэтай незвычайнай гісторыяй.
🎥 Дзякуем за відэа Іне Шкурко, знята 21 траўня 2024 года.