ხმები 06.

08.2016.
ხმებს უხდებათ ახირებულ ხეივნებში დიდხან ხოხვა,
უხმარ მახვილს – ლხინის ტახტი, მუხის ხახას
– ქოხი ხევში,
ფრთხვინავს ხარი, ხვრინავს ხერხი, ქარიშხალი
– ახარხარდა,
არახრახდა ხარახურა, რიხით ხმება რუხი ცაცხვი,
ფეხაკრეფით ხეტიალობს მოცახცახე ხორცის ხროვა,
ურჩხულ ხეზე გათხოვილა უხმაურო უთხოვარი,
მერცხლებს ახსოვთ დახორკლილი გაზაფხულის შეძახილი,
ბუხარს დახრავს ცეცხლის მეხრე, დახრილ ვენახს
– ხეპრეს ხორხი,
ვუხმატკბილე რუხ ხარიხებს, ჩარდახს ციხე შევუხამე,
ხვალ ხაროში გამახარებს მეხამრიდზე ხრიკის ხვავი,
მხრები ამიმხედრდებიან, დახატავენ ხატს ხელები,
თიხის ჩიხებს ახითხითებს ნახევარი მენახირე,
კოლხი ხურო ახარისხებს ხეირიან ხარაჩოებს,
ერთხელ ხუთის შემოხაზვით ხალხი ხრამში ჩამსხვრეულა,
საფეხურებს დახამებულს ფხის ფაფახი ეხურება,
თახვი ხაპავს სხვა კაშხალში ხამანწკების დახშულ
სახლებს,
სახრე ანთხევს ხალიანი არტახების ხარბ ხარაკირს,
ეხუტება ხაოიან ტახს განცხრომის სიუხეშე,
ვხავი თხრილში, მემსახურა მხოლოდ ხილვა უსახური,
თოხს ხარატი ხვეწავს, ნახატს – მხატვრის ხედვის
უცხო ხილი...
ხმელ ხიფათებს მხიარული წარმოსახვა მარხავს
ახლა!
ზვიად მეფარე