💐☘️💐 ВОСКРЕСЕНЬЕ, 12 МАЯ 2024 ГОДА. (29 АПРЕЛЯ 2024 ГОДА ПО СТАРОМУ СТИЛЮ). НЕДЕЛЯ 2-Я ПО ПАСХЕ, АПОСТОЛА ФОМЫ (АНТИПАСХА), ГЛАС ПЕРВЫЙ. ПОСТА НЕТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ВОСКРЕСЕНЬЕ). Девяти мучеников Кизических: Феогнида, Руфа, Антипатра, Феостиха, Артемы, Магна, Феодота, Фавмасия и Филимона (286-299). Прп. Мемнона чудотворца. Мчч. Диодора и Родопиана диакона (284-305). Свт. Василия, еп. Захолмского или Острожского (в Черногории, Cербского) (XVI). Мч. Иоанна Валаха (Румынского). Прп. Нектария Оптинского (XX). Прп. Секунделла диакона (Галл.). Свв. ап. от 70-ти Иасона и Сосипатра (Греч.). Св. мц. Керкиры (Греч.). Свт. Иоанна, митр. Фивского, нового Милостивого (Греч.). ТРОПАРИ, КОНДАКИ, ВЕЛИЧАНИЯ ЧИТАЕМЫЕ В ВОСКРЕСЕНЬЕ. ТРОПАРЬ ВОСКРЕСНЫЙ, ГЛАС 1 Ка́мени запеча́тану от иуде́й / и во́ином стрегу́щим Пречи́стое Те́ло Твое́, / воскре́сл еси́ тридне́вный, Спа́се, / да́руяй ми́рови жизнь. / Сего́ ра́ди Си́лы Небе́сныя вопия́ху Ти, Жизнода́вче: / сла́ва Воскресе́нию Твоему́, Христе́, / сла́ва Ца́рствию Твоему́, / сла́ва смотре́нию Твоему́, еди́не Человеколю́бче. БОГОРОДИЧЕН ДОГМАТИК Всеми́рную сла́ву / от челове́к прозя́бшую / и Влады́ку ро́ждшую, / Небе́сную дверь / воспои́м, Мари́ю Де́ву, / Безпло́тных песнь и ве́рных удобре́ние: / Сия́ бо яви́ся не́бо и храм Божества́; / Сия́ прегражде́ние вражды́ разруши́вши, / мир введе́ и Ца́рствие отве́рзе. / Сию́ у́бо иму́ще ве́ры утвержде́ние, / Побо́рника и́мамы из Нея́ ро́ждшагося Го́спода. / Дерза́йте у́бо, дерза́йте, лю́дие Бо́жии, / и́бо Той победи́т враги́, / я́ко Всеси́лен. БОГОРОДИЧЕН ОТПУСТИТЕЛЬНЫЙ Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка, / в Тебе́, святе́м киво́те, / я́коже рече́ пра́ведный Дави́д; / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя, / сла́ва Проше́дшему из Тебе́, / слава Свободи́вшему нас Рождество́м Твои́м. КОНДАК ВОСКРЕСНЫЙ Воскре́сл еси́ я́ко Бог из гро́ба во сла́ве, / и мир совоскреси́л еси́; / и естество́ челове́ческое я́ко Бо́га воспева́ет Тя, и смерть исчезе́; / Ада́м же лику́ет, Влады́ко; / Е́ва ны́не от уз избавля́ема ра́дуется, зову́щи: / Ты еси́, И́же всем подая́, Христе́, воскресе́ние. В НЕДЕЛЮ 2-Ю ПО ПАСХЕ, АНТИПАСХИ ТРОПАРЬ, ГЛАС 7 Запеча́тану гро́бу,/ живо́т от гро́ба возсия́л еси́, Христе́ Бо́же,/ и две́рем заключе́нным,/ ученико́м предста́л еси́,/ всех воскресе́ние;/ дух пра́вый те́ми обновля́я нам,\ по вели́цей Твое́й ми́лости. КОНДАК, ГЛАС 8 Любопы́тною десни́цею/ жизнопода́тельная Твоя́ ре́бра Фома́ испыта́, Христе́ Бо́же;/ созаключе́нным бо две́рем я́ко вшел еси́,/ с про́чими апо́столы вопия́ше Тебе́:\ Госпо́дь еси́ и Бог мой. ВЕЛИЧАНИЕ Велича́ем Тя,/ Живода́вче Христе́,/ нас ра́ди во ад сшедшаго/ и с Собою вся // воскреси́вшаго. ДЕВЯТИ МУЧЕНИКАМ КИЗИЧЕСКИМ ТРОПАРЬ, ГЛАС 8 Святи́и девяточи́сленнии му́ченицы,/ от разли́чных градо́в во еди́н лик совокупи́вшеся ма́нием Боже́ственным,/ му́жественно за Христа́ пострада́сте,/ неви́димаго врага́ победи́сте,/ злове́рныя кня́зи и мучи́тели посрами́сте ва́шим терпе́нием,/ огне́м же любве́ Бо́жия разжиза́еми,/ веще́ственно вас огнь му́чащий в хлад преложи́сте,/ те́мже даде́ся вам от Христа́ Бо́га благода́ть/ тряса́вичную исцеля́ти боле́знь,/ от нея́же и многови́дных страсте́й,/ ми́лостивно спаса́йте и нас предста́тельством ва́шим, мо́лимся. КОНДАК, ГЛАС 2 Тве́рдый и всесве́тлый лик му́ченик девяти́,/ Трисо́лнечнаго Божества́ испове́дницы,/ на суди́щи Тому́ нача́льно взыва́ху:/ кровь и ду́ши на́ша с телесы́,/ я́ко непоро́чную же́ртву, прино́сим Тебе́, Влады́ко,/ в ли́цех Небе́сных Твои́х сопричти́,// я́ко Бог Ми́лостивый. ВЕЛИЧАНИЕ Велича́ем вас,/ страстоте́рпцы святи́и девяточи́сленнии,/ и чтим честна́я страда́ния ва́ша,/ я́же за Христа́/ претерпе́ли есте́. ПРЕПОДОБНОМУ НЕКТАРИЮ ОПТИНСКОМУ ТРОПАРЬ, ГЛАС 3 Чу́днаго Некта́рия в пе́снех духо́вных восхва́лим/ и благоче́стное житие́ того́ ублажи́м,/ я́ко мирско́е мудрова́ние посрами́/ и христолюби́вым лю́дем путь покая́ния показа́./ Сего́ ра́ди ны́не вопие́м:// ра́дуйся, о́тче богому́дре, ве́рным утвержде́ние. КОНДАК, ГЛАС 8 От ста́рцев смире́нных и богому́дрых, Амвро́сия и Анато́лия,/ от сея́ лучеза́рныя дво́ицы,/ восприя́л еси́ благода́ть окормле́ния ста́рческаго, благоуха́нне о́тче Некта́рие:/ сый свобо́ден от всех, всем себе́ порабо́тил еси́,/ тяготы́ мона́хов и миря́н поне́сл еси́,/ до конца́ испо́лнивый зако́н Христо́в,// от Него́же прия́л еси́ вене́ц нетле́нный. ВЕЛИЧАНИЕ Ублажа́ем тя,/ преподо́бне о́тче Некта́рие,/ и чтим святу́ю па́мять твою́,/ наста́вниче мона́хов// и собесе́дниче Ангелов. ПРЕПОДОБНОМУ АМФИЛОХИЮ ПОЧАЕВСКОМУ ТРОПАРЬ, ГЛАС 4 Земли́ Волы́нския пресла́вна подви́жника/ и оби́тели Поча́евския досто́йна насельника/ люде́й правосла́вных изря́дна цели́теля/ яви́ тя́ Це́ркви Свое́й Христо́с Бо́г на́ш,/ преподо́бне о́тче Амфило́хие,/ Ему́ же усе́рдно моли́ся/ от наве́т вра́жиих свободи́тися// и спасти́ся душа́м на́шим. ИН ТРОПАРЬ, ГЛАС 4 О стра́ждущых лю́дех пла́менный моли́твенниче, посто́м, боре́ньми со страстьми́, бде́нием моли́твенным, дела́ми милосе́рдия любо́вь Цари́цы Небе́сной сниска́в. И́стинныя ве́ры сто́лп бы́л еси́ непоколеби́мый, и Правосла́вия яркий свети́льниче, многонедужным ско́рый помо́щниче и безме́здный цели́телю, по́лчищ де́монских неустраши́мый прогони́телю, в по́двизех вели́ких самому́ Подвигополо́жнику Христу́ и все́м святы́м подража́л еси́, в че́сть Святы́я Тро́ицы трие́х име́н носи́телю: Иа́кове, Ио́сифе и о́тче Амфило́хие, моли́ Всеми́лостиваго Бо́га да очи́стит сердца́ пораженныя грехо́м и Твои́м предста́тельством спасе́т души́ на́ша. КОНДАК, ГЛАС 3 Я́ко ве́ры Правосла́вныя ревни́тель и благоче́стнаго жития́ учи́тель, в боле́знех и ско́рбех изря́дный помо́щник и защи́титель, пред Го́сподом предстои́ши преподо́бне Амфило́хие, сего́ ра́ди вопие́м ти́: сохрани́ оби́тель, в не́й же подвиза́лся еси́, и спаса́й на́с моли́твами твои́ми, о́тче блаже́нне. ВЕЛИЧАНИЕ Ублажа́ем тя,/ преподо́бне о́тче Амфило́хие,/ и чтим святу́ю па́мять твою́,/ наста́вниче мона́хов// и собесе́дниче А́нгелов. СВЯТИТЕЛЮ ВАСИЛИЮ ОСТРОВСКОМУ ТРОПАРЬ, ГЛАС 4 От ю́ности твоея́ всего́ себе́ Го́сподеви отда́л еси́,/ пребыва́я в моли́твах, труде́х и посте́х, о́тче Богоно́сне,/ о́браз был еси́ доброде́тели твоему́ ста́ду;/ сего́ ра́ди ви́дя Бог твое́ благо́е произволе́ние,/ поставля́ет тя Свое́й Це́ркви па́стыря и до́бляго архиере́я/ и по преставле́нии твое́м соблюде́ свято́е те́ло твое́ неруши́мо, святи́телю Васи́лие./ Те́мже, я́ко име́я дерзнове́ние,/ моли́ся Христу́ Бо́гу/ спасти́ся душа́м на́шим. КОНДАК, ГЛАС 8 Я́ко от младе́нства себе́ порабо́тив Го́сподеви,/ посто́м и бде́нием свое́ те́ло удруча́я, му́дре,/ сосу́д че́стен Ду́ху Пресвято́му яви́лся еси́,/ сего́ ра́ди поставля́ет тя па́стырем Своея́ Церкви́,/ ю́же до́бре пасл еси́./ Те́мже ко Го́споду отхо́диши, Его́же возлюби́л еси́./ Мо́лимся ти, помяни́ и нас, ве́рою чту́щих святу́ю па́мять твою́, да вси зове́м ти:/ ра́дуйся, всече́стне о́тче Васи́лие. ВЕЛИЧАНИЕ Велича́ем тя,/ святи́телю о́тче Васи́лие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего. ПРЕСВЯТОЙ БОГОРОДИЦЕ ПРЕД ИКОНОЙ ЕЯ «ОЗЕРЯНСКАЯ» ТРОПАРЬ, ГЛАС 3 Твоего́ предста́тельства увере́ние/ и милосе́рдия Твоего́ явле́ние/ ико́на Озеря́нская нам, Влады́чице, показа́ся;/ пред не́юже ду́ши на́ша в моли́тве излива́ем/ и ве́рою Тебе́ вопие́м:/ воззри́, Милосе́рдая, на лю́ди Твоя́,/ вся ско́рби на́ша и печа́ли утоли́,/ утеше́ние благо́е в сердца́ на́ша низпосли́ // и спасе́ние ве́чное душа́м на́шим, Пречи́стая, испроси́. КОНДАК, ГЛАС 5 Не отри́ни, о Милосе́рдая Ма́ти,/ слез и воздыха́ний на́ших,/ но проше́ния на́ша ми́лостивно прии́мши,/ пред ико́ною Твое́ю моля́щихся люде́й ве́ру укрепи́,/ умиле́нием сердца́ их испо́лни и крест земна́го жития́ носи́ти им помози́; // ели́ка бо хо́щеши, мо́жеши. ВЕЛИЧАНИЕ Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим. ПРЕСВЯТОЙ БОГОРОДИЦЕ ПРЕД ИКОНОЙ ЕЯ «СЛАДКОЕ ЛОБЗАНИЕ» ТРОПАРЬ, ГЛАС 7 Одержа́щей е́реси, / о честне́й ико́не Твое́й, Де́во, / я́ве промышля́еши: / мореше́ствием Твое́й оби́тели / я́ко дар досто́ин приноша́еши. / Сию́ же мы Сладколю́бящую пра́ве нарица́юще, // Тя ублажа́ем. КОНДАК, ГЛАС 8 И́же в хр́аме и оби́тели Твое́й приходя́щия Ти / и богоуго́дно спаси́тельная гоня́щия / и почита́ющия Твой святы́й о́браз, / сим да́руй, Де́во, Твоя́ ми́лости, / от вся́ких избавля́ши сих скорбе́й, Тебе́ вопию́щия: // ра́дуйся, Еди́на Богоневе́стная. ВЕЛИЧАНИЕ Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим. МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ВОСКРЕСЕНЬЕ. (Дея.5, 12–20; Ин. 20, 19–31). “Господь мой и Бог мой!” воззвал св. апостол Фома. Ощущаете ли, с какою силою ухватился он за Господа и как крепко держит Его? Не крепче держит утопающий доску, на которой чает спасенным быть от потопления. Прибавим, что, кто не имеет таким Господа для себя и себя в отношении к Господу, тот еще не верует в Господа, как следует. Мы говорим: “Господь Спаситель”, разумея, что Он Спаситель всех, а этот говорит: “Господь Спаситель мой”. Кто говорит: “мой Спаситель”, тот ощущает свое спасение, исходящее от Него. Ощущению же спасения сопредельно ощущение пагубы, из которой извлек спасенного Спасающий. Чувство пагубы жизнелюбивого по природе человека, знающего, что не может он сам себя спасти, заставляет искать Спасителя. Когда обретет Его и ощутит силу спасения, от Него исходящую, хватается за Него крепко и оторваться от Него не захочет, хоть бы лишали его за то самой жизни. Такого рода события в духовной жизни христианина не воображаются только умом, а переживаются самым делом. Затем, как вера его, так и сочетание со Христом становятся крепки, как жизнь или смерть. Такой только искренно взывает: “кто меня разлучит!”
СВЯТАЯ ПРЕПОДОБНАЯ ЕВФРОСИНИЯ ПОЛОЦКАЯ!
💐☘️💐 ПРАВОСЛАВНЫЙ ЦЕРКОВНЫЙ КАЛЕНДАРЬ.
💐☘️💐
ВОСКРЕСЕНЬЕ, 12 МАЯ 2024 ГОДА. (29 АПРЕЛЯ 2024 ГОДА ПО СТАРОМУ СТИЛЮ). НЕДЕЛЯ 2-Я ПО ПАСХЕ, АПОСТОЛА ФОМЫ (АНТИПАСХА), ГЛАС ПЕРВЫЙ. ПОСТА НЕТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ВОСКРЕСЕНЬЕ).
Девяти мучеников Кизических: Феогнида, Руфа, Антипатра, Феостиха, Артемы, Магна, Феодота, Фавмасия и Филимона (286-299). Прп. Мемнона чудотворца. Мчч. Диодора и Родопиана диакона (284-305). Свт. Василия, еп. Захолмского или Острожского (в Черногории, Cербского) (XVI). Мч. Иоанна Валаха (Румынского). Прп. Нектария Оптинского (XX). Прп. Секунделла диакона (Галл.). Свв. ап. от 70-ти Иасона и Сосипатра (Греч.). Св. мц. Керкиры (Греч.). Свт. Иоанна, митр. Фивского, нового Милостивого (Греч.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В ВОСКРЕСЕНЬЕ.
ТРОПАРЬ ВОСКРЕСНЫЙ, ГЛАС 1
Ка́мени запеча́тану от иуде́й / и во́ином стрегу́щим Пречи́стое Те́ло Твое́, / воскре́сл еси́ тридне́вный, Спа́се, / да́руяй ми́рови жизнь. / Сего́ ра́ди Си́лы Небе́сныя вопия́ху Ти, Жизнода́вче: / сла́ва Воскресе́нию Твоему́, Христе́, / сла́ва Ца́рствию Твоему́, / сла́ва смотре́нию Твоему́, еди́не Человеколю́бче.
БОГОРОДИЧЕН ДОГМАТИК
Всеми́рную сла́ву / от челове́к прозя́бшую / и Влады́ку ро́ждшую, / Небе́сную дверь / воспои́м, Мари́ю Де́ву, / Безпло́тных песнь и ве́рных удобре́ние: / Сия́ бо яви́ся не́бо и храм Божества́; / Сия́ прегражде́ние вражды́ разруши́вши, / мир введе́ и Ца́рствие отве́рзе. / Сию́ у́бо иму́ще ве́ры утвержде́ние, / Побо́рника и́мамы из Нея́ ро́ждшагося Го́спода. / Дерза́йте у́бо, дерза́йте, лю́дие Бо́жии, / и́бо Той победи́т враги́, / я́ко Всеси́лен.
БОГОРОДИЧЕН ОТПУСТИТЕЛЬНЫЙ
Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка, / в Тебе́, святе́м киво́те, / я́коже рече́ пра́ведный Дави́д; / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя, / сла́ва Проше́дшему из Тебе́, / слава Свободи́вшему нас Рождество́м Твои́м.
КОНДАК ВОСКРЕСНЫЙ
Воскре́сл еси́ я́ко Бог из гро́ба во сла́ве, / и мир совоскреси́л еси́; / и естество́ челове́ческое я́ко Бо́га воспева́ет Тя, и смерть исчезе́; / Ада́м же лику́ет, Влады́ко; / Е́ва ны́не от уз избавля́ема ра́дуется, зову́щи: / Ты еси́, И́же всем подая́, Христе́, воскресе́ние.
В НЕДЕЛЮ 2-Ю ПО ПАСХЕ, АНТИПАСХИ
ТРОПАРЬ, ГЛАС 7
Запеча́тану гро́бу,/ живо́т от гро́ба возсия́л еси́, Христе́ Бо́же,/ и две́рем заключе́нным,/ ученико́м предста́л еси́,/ всех воскресе́ние;/ дух пра́вый те́ми обновля́я нам,\ по вели́цей Твое́й ми́лости.
КОНДАК, ГЛАС 8
Любопы́тною десни́цею/ жизнопода́тельная Твоя́ ре́бра Фома́ испыта́, Христе́ Бо́же;/ созаключе́нным бо две́рем я́ко вшел еси́,/ с про́чими апо́столы вопия́ше Тебе́:\ Госпо́дь еси́ и Бог мой.
ВЕЛИЧАНИЕ
Велича́ем Тя,/ Живода́вче Христе́,/ нас ра́ди во ад сшедшаго/ и с Собою вся // воскреси́вшаго.
ДЕВЯТИ МУЧЕНИКАМ КИЗИЧЕСКИМ
ТРОПАРЬ, ГЛАС 8
Святи́и девяточи́сленнии му́ченицы,/ от разли́чных градо́в во еди́н лик совокупи́вшеся ма́нием Боже́ственным,/ му́жественно за Христа́ пострада́сте,/ неви́димаго врага́ победи́сте,/ злове́рныя кня́зи и мучи́тели посрами́сте ва́шим терпе́нием,/ огне́м же любве́ Бо́жия разжиза́еми,/ веще́ственно вас огнь му́чащий в хлад преложи́сте,/ те́мже даде́ся вам от Христа́ Бо́га благода́ть/ тряса́вичную исцеля́ти боле́знь,/ от нея́же и многови́дных страсте́й,/ ми́лостивно спаса́йте и нас предста́тельством ва́шим, мо́лимся.
КОНДАК, ГЛАС 2
Тве́рдый и всесве́тлый лик му́ченик девяти́,/ Трисо́лнечнаго Божества́ испове́дницы,/ на суди́щи Тому́ нача́льно взыва́ху:/ кровь и ду́ши на́ша с телесы́,/ я́ко непоро́чную же́ртву, прино́сим Тебе́, Влады́ко,/ в ли́цех Небе́сных Твои́х сопричти́,// я́ко Бог Ми́лостивый.
ВЕЛИЧАНИЕ
Велича́ем вас,/ страстоте́рпцы святи́и девяточи́сленнии,/ и чтим честна́я страда́ния ва́ша,/ я́же за Христа́/ претерпе́ли есте́.
ПРЕПОДОБНОМУ НЕКТАРИЮ ОПТИНСКОМУ
ТРОПАРЬ, ГЛАС 3
Чу́днаго Некта́рия в пе́снех духо́вных восхва́лим/ и благоче́стное житие́ того́ ублажи́м,/ я́ко мирско́е мудрова́ние посрами́/ и христолюби́вым лю́дем путь покая́ния показа́./ Сего́ ра́ди ны́не вопие́м:// ра́дуйся, о́тче богому́дре, ве́рным утвержде́ние.
КОНДАК, ГЛАС 8
От ста́рцев смире́нных и богому́дрых, Амвро́сия и Анато́лия,/ от сея́ лучеза́рныя дво́ицы,/ восприя́л еси́ благода́ть окормле́ния ста́рческаго, благоуха́нне о́тче Некта́рие:/ сый свобо́ден от всех, всем себе́ порабо́тил еси́,/ тяготы́ мона́хов и миря́н поне́сл еси́,/ до конца́ испо́лнивый зако́н Христо́в,// от Него́же прия́л еси́ вене́ц нетле́нный.
ВЕЛИЧАНИЕ
Ублажа́ем тя,/ преподо́бне о́тче Некта́рие,/ и чтим святу́ю па́мять твою́,/ наста́вниче мона́хов// и собесе́дниче Ангелов.
ПРЕПОДОБНОМУ АМФИЛОХИЮ ПОЧАЕВСКОМУ
ТРОПАРЬ, ГЛАС 4
Земли́ Волы́нския пресла́вна подви́жника/ и оби́тели Поча́евския досто́йна насельника/ люде́й правосла́вных изря́дна цели́теля/ яви́ тя́ Це́ркви Свое́й Христо́с Бо́г на́ш,/ преподо́бне о́тче Амфило́хие,/ Ему́ же усе́рдно моли́ся/ от наве́т вра́жиих свободи́тися// и спасти́ся душа́м на́шим.
ИН ТРОПАРЬ, ГЛАС 4
О стра́ждущых лю́дех пла́менный моли́твенниче, посто́м, боре́ньми со страстьми́, бде́нием моли́твенным, дела́ми милосе́рдия любо́вь Цари́цы Небе́сной сниска́в. И́стинныя ве́ры сто́лп бы́л еси́ непоколеби́мый, и Правосла́вия яркий свети́льниче, многонедужным ско́рый помо́щниче и безме́здный цели́телю, по́лчищ де́монских неустраши́мый прогони́телю, в по́двизех вели́ких самому́ Подвигополо́жнику Христу́ и все́м святы́м подража́л еси́, в че́сть Святы́я Тро́ицы трие́х име́н носи́телю: Иа́кове, Ио́сифе и о́тче Амфило́хие, моли́ Всеми́лостиваго Бо́га да очи́стит сердца́ пораженныя грехо́м и Твои́м предста́тельством спасе́т души́ на́ша.
КОНДАК, ГЛАС 3
Я́ко ве́ры Правосла́вныя ревни́тель и благоче́стнаго жития́ учи́тель, в боле́знех и ско́рбех изря́дный помо́щник и защи́титель, пред Го́сподом предстои́ши преподо́бне Амфило́хие, сего́ ра́ди вопие́м ти́: сохрани́ оби́тель, в не́й же подвиза́лся еси́, и спаса́й на́с моли́твами твои́ми, о́тче блаже́нне.
ВЕЛИЧАНИЕ
Ублажа́ем тя,/ преподо́бне о́тче Амфило́хие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
СВЯТИТЕЛЮ ВАСИЛИЮ ОСТРОВСКОМУ
ТРОПАРЬ, ГЛАС 4
От ю́ности твоея́ всего́ себе́ Го́сподеви отда́л еси́,/ пребыва́я в моли́твах, труде́х и посте́х, о́тче Богоно́сне,/ о́браз был еси́ доброде́тели твоему́ ста́ду;/ сего́ ра́ди ви́дя Бог твое́ благо́е произволе́ние,/ поставля́ет тя Свое́й Це́ркви па́стыря и до́бляго архиере́я/ и по преставле́нии твое́м соблюде́ свято́е те́ло твое́ неруши́мо, святи́телю Васи́лие./ Те́мже, я́ко име́я дерзнове́ние,/ моли́ся Христу́ Бо́гу/ спасти́ся душа́м на́шим.
КОНДАК, ГЛАС 8
Я́ко от младе́нства себе́ порабо́тив Го́сподеви,/ посто́м и бде́нием свое́ те́ло удруча́я, му́дре,/ сосу́д че́стен Ду́ху Пресвято́му яви́лся еси́,/ сего́ ра́ди поставля́ет тя па́стырем Своея́ Церкви́,/ ю́же до́бре пасл еси́./ Те́мже ко Го́споду отхо́диши, Его́же возлюби́л еси́./ Мо́лимся ти, помяни́ и нас, ве́рою чту́щих святу́ю па́мять твою́, да вси зове́м ти:/ ра́дуйся, всече́стне о́тче Васи́лие.
ВЕЛИЧАНИЕ
Велича́ем тя,/ святи́телю о́тче Васи́лие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
ПРЕСВЯТОЙ БОГОРОДИЦЕ ПРЕД ИКОНОЙ ЕЯ «ОЗЕРЯНСКАЯ»
ТРОПАРЬ, ГЛАС 3
Твоего́ предста́тельства увере́ние/ и милосе́рдия Твоего́ явле́ние/ ико́на Озеря́нская нам, Влады́чице, показа́ся;/ пред не́юже ду́ши на́ша в моли́тве излива́ем/ и ве́рою Тебе́ вопие́м:/ воззри́, Милосе́рдая, на лю́ди Твоя́,/ вся ско́рби на́ша и печа́ли утоли́,/ утеше́ние благо́е в сердца́ на́ша низпосли́ // и спасе́ние ве́чное душа́м на́шим, Пречи́стая, испроси́.
КОНДАК, ГЛАС 5
Не отри́ни, о Милосе́рдая Ма́ти,/ слез и воздыха́ний на́ших,/ но проше́ния на́ша ми́лостивно прии́мши,/ пред ико́ною Твое́ю моля́щихся люде́й ве́ру укрепи́,/ умиле́нием сердца́ их испо́лни и крест земна́го жития́ носи́ти им помози́; // ели́ка бо хо́щеши, мо́жеши.
ВЕЛИЧАНИЕ
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
ПРЕСВЯТОЙ БОГОРОДИЦЕ ПРЕД ИКОНОЙ ЕЯ «СЛАДКОЕ ЛОБЗАНИЕ»
ТРОПАРЬ, ГЛАС 7
Одержа́щей е́реси, / о честне́й ико́не Твое́й, Де́во, / я́ве промышля́еши: / мореше́ствием Твое́й оби́тели / я́ко дар досто́ин приноша́еши. / Сию́ же мы Сладколю́бящую пра́ве нарица́юще, // Тя ублажа́ем.
КОНДАК, ГЛАС 8
И́же в хр́аме и оби́тели Твое́й приходя́щия Ти / и богоуго́дно спаси́тельная гоня́щия / и почита́ющия Твой святы́й о́браз, / сим да́руй, Де́во, Твоя́ ми́лости, / от вся́ких избавля́ши сих скорбе́й, Тебе́ вопию́щия: // ра́дуйся, Еди́на Богоневе́стная.
ВЕЛИЧАНИЕ
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ВОСКРЕСЕНЬЕ.
(Дея.5, 12–20; Ин. 20, 19–31). “Господь мой и Бог мой!” воззвал св. апостол Фома. Ощущаете ли, с какою силою ухватился он за Господа и как крепко держит Его? Не крепче держит утопающий доску, на которой чает спасенным быть от потопления. Прибавим, что, кто не имеет таким Господа для себя и себя в отношении к Господу, тот еще не верует в Господа, как следует. Мы говорим: “Господь Спаситель”, разумея, что Он Спаситель всех, а этот говорит: “Господь Спаситель мой”. Кто говорит: “мой Спаситель”, тот ощущает свое спасение, исходящее от Него. Ощущению же спасения сопредельно ощущение пагубы, из которой извлек спасенного Спасающий. Чувство пагубы жизнелюбивого по природе человека, знающего, что не может он сам себя спасти, заставляет искать Спасителя. Когда обретет Его и ощутит силу спасения, от Него исходящую, хватается за Него крепко и оторваться от Него не захочет, хоть бы лишали его за то самой жизни. Такого рода события в духовной жизни христианина не воображаются только умом, а переживаются самым делом. Затем, как вера его, так и сочетание со Христом становятся крепки, как жизнь или смерть. Такой только искренно взывает: “кто меня разлучит!”