Комментарии
- 28 ноя 2024 11:15МУХАММАДЗИЁ ЭРКИНОВРахмат давомини кутамиз чарчаманг
- 28 ноя 2024 12:16Гулнора Киличева
- Jahongir AhmadaliyevКомментарий удалён.
- 28 ноя 2024 21:59МаЯ ТУХТАБОЕВААссалом алекум.Рахмат.!
- 29 ноя 2024 04:06МУХАММАДЗИЁ ЭРКИНОВДавоми чикмадими
- 29 ноя 2024 11:51ЎЗБЕГИМДАН АЙЛАНАЙ...https://ok.ru/group/54072452644929/topic/157080750347585
Для того чтобы оставить комментарий, войдите или зарегистрируйтесь
ЎЗБЕГИМДАН АЙЛАНАЙ...
#ЖАРОХАТ.
2-қисм.
Муаллиф: Дилором Қосимова.
Соҳиб акамни қучоғида анча ўзимни ҳотиржам сезаман. Ғалати тўғрими? Ундан қанчалик қўрқсам ҳам, Уни ёни мен учун ҳотиржамлик ошёни.
Росдан шундай. Елкасига бош қўйганча, ҳамма нарсани унутаман. Ҳамма-ҳаммасини.
__Соҳиб ака мен кетишин керак. Ойим қидирувга беради. Мени Ҳаёт билан деб ўйлайди ҳозир.
__Қойиб юборгим йўқ сени. -чуқур уҳ тортдилар. -Ойим билан гаплашгандим. Қаршиликларига сабаб даданг дедилар. Мени туғдириб қўйишдан бошқасига ярамаган дадам. Бутун умримга соя соладими дейман?
Сочларимдан силаб, маҳкамроқ қучдилар.
__Нима экан сабаби? Ойим билан дадамни тортишганлари қулоғимга чалинганди. Ўшанда ойим, "У оилага қайта қиз бермайман" дегандек бўлгандилар. -дедим бу сафар яширмай.
__Қиз бермайман? Бизни оилага қиз беришган эканми? Ахир сен катта фарзандсанку.
__Билмадим. Мен ҳам шунга ҳайрон бўлгандим.
__Шайдо. Мен сен билан бирга бораман. Даданг билан ўзим гаплашаман. Унгача сен анави йигитга тўйни тўхтатишини айтасан. У мен ҳақимда сўраганда нега айтмадинг?
__Сиз ҳақингизда сўрамади. Шунчаки тўйга розиманми-йўқми? Шуни сўради.
__Сен нима дединг? -деди мени бағридан бўшатиб, юзимга жиддий қараркан.
__Бу ота-онамни қарори эканини айтдим. Ойим ортиқча гапирмаслигимни айтганлари учун, бошқа бу мавзуда гаплашишни хоҳламадим.
__Ҳимм! -деди киноя билан. -Мен у йигит билан учрашгандим. Иккимиз ҳақимизда ҳам айтгандим. У ўзинг билан гаплашишини айтганди. Кутдим. Қарасам тўй тўхтайдиган эмас. Охири Озодани қўрқитиб, сен билан учраштиришини айтдим. Бир ҳафта судраб бугун имкони топилганини айтди. Ундан келган ҳабарни ўқиб ҳамма ишларимни ташлаб ёнингга учиб келдим.
__Улар рози бўлишмайди. -дедим Соҳиб акамни маҳкам қучиб, йиғлаганча. Мени эслаяптими деб ўйланиб-ўртаниб юрган пайтимда. Соҳиб акам мен билан учрашиш учун пайт пойлаб юрганини эшитиб ичимдан суюниб кетдим. Ҳатто Ҳаёт билан ҳам учрашибди. Бекорга У жиддий бўлиб савол бермаган эканда. -Дадам рози бўлмайди.
__Аввал гаплашайлик. Орада қандай гап ўтган. Юр кеч қолмай борайлик.
Юзимдан чимдиб қўйди. Мен билан тўқнаш келган пайтдаги ғазаби, энди меҳрга ўрнини бўшатиб бергандек эди. -Бўлақол қиладиган ишлар кўп. Ҳали янгангни опасини ҳам йўқлаб келишим керак.
__Соҳиб ака бу шартмасдир? У ҳам ҳақиқатни айтган.
__Ва буни деб сен азоблангансан. Мени ишларимга бурнингни суқма. Қилгим келганини қиламан.
Соҳиб акамга ортиқча гапиришни фойдаси йўқ. Шу сабаб инкор этмасдан индамай ортидан эргашдим. Юрагимда қўрқув ва қувонч бир вақтда ҳукмрон эди.
Юзимга тушган тарсакидан бошим гангиб кетди. Буни кутгандим. Дадамни шундай ғазабга берилишини олдиндан билгандим.
Билиб туриб, Соҳиб акам билан етаклашиб келдим.
__Шайдо яхшимисан? -Соҳиб акам ҳавотир билан сўради. Дадамни олдида ҳижолатдан ўлай дедим.
__Шоҳида тез бу юзсизни хонасига йўқот. -дадам жаҳл билан ойимга ўшқирди.
__Юр буёққа. Қиз бўлмай ўлгур. -ойим мени судрагудек хонам томон етаклади. Хонамга улоқтиргандек киргазиб қўйди. Қизиқ Соҳиб акам билан дадам нималарни гаплашаяпти экан-а?
Хонамда уёқдан-буёққа айланиб анча вақтимни ўтказдим.
Кейин ҳаёлимга келган ўйдан шошиб телефонимни олдим. Балки ўшанда шошилгандурман.
Соҳиб акам билан дадамни суббати якунини билмай хато қилгандурман.
Мен Ҳаётга ҳабар юбордим.
"Ассалому алайкум Ҳаёт. Аввало сиздан узр сўрамоқчиман. Ўша куни берган саволингизга ёлғон жавоб қайтаргандим.
Аслида мен бу тўйга бошидан қарши бўлганман. Сабаби ёқтирган инсоним бор. Ота-онам эса бунга қарши.
Аммо мен Улардан асло кечолмайман. Ҳатто унаштирувдан кейин ҳам У билан гаплашиб юрдим. Муносабатларимизни тўхтатмадим.
Кечира олсангиз кечиринг. Тўйни тўхтатайлик..."
🍃🍃🍃
__Шайдо сизни сўраб бир аёл келибди.
__Ким экан Райҳона опа.?
__Билмадим. Бояги эркак келиб кетгач, анча асабингизга таъсир қилди. Шунга аввал аҳволингизни билай дегандим.
__Анча яхшиман. Аммо келган аёл ким экан?
__Билмадим. Кўринишидан сиз тенги. Бироз сатангроғга ўхшади.
__Сабоо. -деди Шайдони лаблари киноя билан.
__Кираверсинми? Сизга ёмон таъсир қилмайдими уни ташрифи, гаплари.
__Йўқ кираверсин. Эр-хотинлар мени йўқлаб қолишибди бугун. Тинчликмикан?
Шифокор аёл, Шайдони гапини охирини тушунмай, кейинроқ бафуржа сўраб билишни дилиги тугиб. Хонадан чиқиб кетди.
__"Hello" жонгинам. -ҳеч қанча ўтмай, пошнасини таққиллатганча, озғин бўйлари баланд, чиройли аёл кириб келди. Ва Шайдо ётадиган жойга ястаниб ўтириб олди. -Мени соғинганмидинг? Мен сени жуда соғиниб келдим.
__Кимни алдамоқчисан? Эринг келгани учун ортидан пойлаб келганингни мен сезмадим ҳавотир олма! -Шайдо Сабони устидан кулгандек гапирди.
__Енди Унга керагинг йўқ. -Сабони юзи жаҳлдан қизарди.
__Сен шундай деб ўйлайсан! Аслида сендан кўра кўпроқ мени яхши кўришини ҳазм қилолмайсан.
__Басс қилл. Атай асабимни бузяпсан-а?
__Йўўқ. Сен ўзинг-ўзингни асабингни бузяпсан. Мен сени олдингга бормадим ҳар қалай. Сабоо тан ол. Шу холимдаям сендан устунман.
__Лаънатииии. -Сабо ўрнидан туриб Шайдони ёнига келди. -Нега ўлмай қолдингга? Ўлсанг қутиламан дегандим. Жонинг темирданми сени?
__Билмадим! Бунисини Аллоҳ билади. Аммо мен бошқа нарсани биламан...
__Нимани?
__Ҳатто ўлигим ҳам сендан қадрлироқ У учун.
Сабо жаҳлдан қизил тусга кирди. Чуқур-чуқур нафас олганча палатадан чиқиб кетди.
🍃🍃🍃
__Қизим ҳадеб қайсарлик қилаверма. Даданг барибир у йигитга бермайди сени? -ўша куни Соҳиб акам кетгач, хонада анча йиғладим. Тақдиримдан ҳафа бўлдим. Ўзимдан ҳафа бўлдим.
__Ойи сабабини айтинг ахир. Шунчалик жиддий қандай сабаб бор эканки? Мени тушунишни хоҳламаяпсизлар. Ҳатто бир имкон бермаяпсизлар?
__Жоним қизим. Биласан сени саккиз йилда, Аллоҳдан сўраб олганмиз. -ойим сочларимни силаб, гап бошладилар. -Мен бу хонадонга келин бўлиб тушганимда, дадангни кичик сингиллари, яъни амманг ўн етти ёшда эди. Жуда кўзга яқин қиз. Совчилари шу ёшидан қатор-қатор эди.
Бечора Шайдо "мен ўқийман" дерди.
__Шайдо? Аммамни исми Шайдомиди? Улар қаерда? Нега мен билмайман улар ҳақда. Аммамни исми Шайдо бўлса: Унда нега мени исмимни ҳам Шайдо қўйгансизлар. -шу пайт ҳаёлимга келган ўйдан титраб кетдим. -Ёкиии. Улар....улар вафот этганми? -дедим бехол. Ойимни кўзлари ёшланиб бош силкиди.
__Ҳа қизим. Шундай қиз йигирмага тўлмай....-ўпкаси тўлиб йиғлаб юборди ойим. Йигирмага ҳам кирмаган эканлар. Қандай қилиб? Бунча ёш? -Шайдо амманг, ўша сен ёқтирган йигитни отасини деб, эрта кунда бу дунёни тарк этган!!!
__Қанақасига? Ахир Соҳиб акам йигирма саккиз ёшда. Мендан саккиз ёш катта. Сиз дадам билан турмуш қурган йил Соҳиб акам туғилган бўлиши керакку. Уларни дадасини аммамга нима алоқаси бор?
__Аммангни совчилари кўп эди. Роса оёқ тираб олди "ўқийман" деб. Мактабни битириб ўқишга кирди. Шунда ҳам совчилар эшигимиздан аримасди. "Қиз болани жойи чиқса узатиш керак" деб ақл бўлганлар кўпайди.
Бувинг раҳматли ҳам бунга ўйланиб қолди. Қиз болани эгасига топширгунча, ота-онани елкасида улкан тоғ тургандек бўлади.
Аммангни ўқиш жойидан, юқори курсдаги бир йигит ҳам ёқтириб қолган экан.
У ҳам тинмай одамини жўнатди. "Бирга ўқишга бориб-келаверишади" деб туриб олишди совчилар.
Амманг биринчи курсни тамомлаганда тўйи бўлганди. У иккинчи курсда, куёв эса тўртинчи курс бўлишганди.
Айтишганидек, бирга ўқиб юришди. Бир-бирига узукка кўз қўйгандек эдилар.
__Ҳўп ойи улар бахтли эдилар эканку. Бунга Соҳиб акамни дадасини нима алоқаси бор.
__Ўша Соҳиб деганинг, аммангни қайнопасини эри бўлади.
__Нима? Ўлай агар ҳеч нарсага тушунмаяпман. -дедим, росдан ҳеч нарсага тушунмаётгандим. Қайнопасини эрини нима алоқаси бор бунга?
__Қизим ўша қайнопасини эри аммангга бошқача қарай бошлаган. -ойим гап бошладилар. Мен таажжубда қолдим.
__Қандай қилиб?
__Аввалдан аёлларга суяги йўқ бўлган экан. Шайдо аммангни қайнопасига ҳам ҳамма ишни бажариб бўлгач, уйланган экан. Улар анча гаплашиб юришгач, ўша аёл, эркакга ихтиёрини топшириб қўйган. Баҳона севги, ҳисларини жиловлай олмаслик.
Аммо бу севги бўлмаган. У эркак уйланиб ҳам тийилмаган. Аёлига йиллар давомида бир неча бора ҳиёнат қилган.
Бир йиғинда хотинини уйига келганда, аммангга кўзи тушгач, эски қилғиликларидек қизиқган, ҳаёли бузилган.
__Кейинчи? Кейин нима бўлди? Аммамга нимадур қилганми? Аммам қандай ўлган?
Миямда саволлар тинмасди. Ақлимга сиғдиролмасдим. Аммам ўн тўққиз ёш бўлса: Соҳиб акам туғилиб бўлган у йилларда. Эйй ҳудо нималар бўлган экан-а?
__Шайдони эри, битирувчи бўлгани учун, амалиётга чиққан пайтлари эди. -ойимни кўзлари ёшланди. -Бечора Шайдо.
__Ойи нима бўлган аммамга? Нима учун вафот этганлар.
__Қизим эсласам ҳам эзилиб кетяпман. Эртага айта қолай...
__Ойиии илтимос охиригача айтинг? Қизиқишдан ухлолмайман. Ёрилиб кетаман ойижон.
__Шайдога шу эрини поччаси бир-икки ғалати гаплар қилган. Тегажонлик қилишга уринган. Кейин амманг поччаларини қўрқитиб ўзидан узоқлаштирмоқчи бўлган. "Опамга, эримга айтаман. Хотин-болангиздан айрилиб ўтирасиз" деган. У киши эса безрайиб, "улар ишонади деб ўйлайсанми? Тухмат қиляпти десам. Янги келинга эмас, бир неча йиллик куёвга ишонишади. Яна опангдан қўрқадиган жойим йўқ. Уни ўзи менга номусини ихтиёри билан топширган. Кетолмайди, тили қисиқ" деб парво қилмаган.
__Кейинчи? Кейин нима бўлган? -дедим тоқацизланиб. Соҳиб акам шундай одамни боласими? Улар бунчалик эмаслар. Йўқ ундай эмаслар...
__Ўша куни. -ойимни овозидан яна бутун танам қулоққа айланди. Тикилиб қараб олдим. Ҳудди қарамасам, биронта гапини тушунмай қоладигандек.
__Ойи нима бўлди ўша куни?
__Шайдони эри, уйни таъмирлатиш учун, уста солганди. Бахтга қарши, усталар ўша поччасини састави бўлган.
Баъзи-баъзида поччаси кеч қолганини баҳона қилиб кечаси тунаб ҳам қоларкан.
Қайнотаси қизи билан тўйдан олдин қилган номақбулчиликлари сабаб, кўп ҳам ҳушламаса-да. Қайнонаси барибир онада, "бир ёмоним шуни қўлида" деб. Куёвига доим пой-патак бўларкан.
Ўша куни Шайдо, "кўнглим ғаш, янга. Уйга боргим йўқ. Ҳеч оёғим тортмаяпти." деб...шундай деб. Тушкун ҳолатда кетганди.
Ойим яна йиғлаяптилар. Менимча эндиги айтадиган гапи, анча оғриқли. Тўлиб-тўлиб йиғлашидан маълум бу. Ойимни ҳолатларини кўриб бекор гапиришга мажбур қиляпманми деб ўйлаб қолдим.
Аммо энди охиригача билмасам ўзимга келолмайман. Ҳаёллар мени тинч қўймайди.
__Кейинчи ойи? Кейин нима бўлган?
__Ўша куни ҳам ўша разил тунаб қолган. Аксига олиб Шайдо аммангни эри, бир кун олдин, иш билан қўшни туманга кетган бўлган.
Балки у ифлос атай шу сабаб, аммангни эри йўқлиги учун қолгандур.
Яна йиғи....
Яна кўз ёш...
Мен эса бетоқатланяпман. Кутаяпман. Кейин нима бўлган. Ҳаёлимга мингта ўй келяпти.
Охиригиси...
Охирги ўй кетмай айланаверди.
Соҳиб акамни дадаси аммамга нимадур қилган.
Унга тегинган бўлиши, аммам номусга чидилмай, ўзига зиён етказган. Ёки ўзини ўлдирган.
Балки шундай бўлгандур?
Агар поччаси росдан нимадур қилган бўлса бу дахшат.
Ҳатто ўйлаб ҳам титраб кетяпман.
Куёв уйга кирганда, Шайдо билан поччаси ёзги ошхона, навес таърафда бўлган.....
Ойим яна йиғлаб юбордилар...
Хотиралар инсонни ҳар кўйга солади. Қийналяптилар биламан. Аммо охиригача билишни истайман.
Менда хоҳиш устунлик қилаётганди.
__Бизга Шайдога тагишли кийимларни беришганида. Уни кўйлагини какеткаси чўкидан эмас, бошқа жойи йиртилган, ифлос-кир эди...
Кейин суд бўлди.
Судда маълум бўлишича. Куёв келганда, Шайдони кийимлари бир аҳвол. Поччасини қўлидан чиқишга уриниб ерда тўлғониб ётган. Почча ифлос эса. Шайдони устига чиқиб олиб. Бетартиб уни юз кўзидан ютоқиб ўпаётган бўлган.
Куёвни кўзи қонга тўлиб, поччасига ташланган. Бақирган-сўкинган. Ўласи қилиб урган. Шовқиндан ота-онаси ҳам чиққан, очиқ жой эмасми? Шовқинни эшитганки, Қўни-қўшни ҳам йиғилган.
Аммо кеч қолган ҳаммаси. Куёв ғазабда, ўша ерда турган пичоқни олиб....ҳудди товуқ сўйгандек Шайдони бўғзига тортиб юборган.
Ойимни гаплаpидан қўрқиб кетдим. Бирор марта кўрмаган бўлсам ҳам, ўзимча аммамни тасаввур қилдим.
Кўз олдимда, эски устунли навес, қора ўчоқ.
Яна алламбалолар.
Какеткали, ёши катталар тилидан айтганда, "ўзбекча" кўйлак кийиб олган. Аммам гавдаланди. Битта эркак ташлангани, аммам ўзини ҳимоя қилишга урингани...
Бошқа эркак келиб, биринчи эркакни дўппослагани.
Кейин аммамни....
Ичимдан титроқ чиқиб кетди.
Кўз ўнгимда бўйнидан қон титқираб оқаётган адаш аммам кетмасди.
Мени ҳаёлимдаги кўзларида қандайдир иложсизлик ва умид билан гавдаланди...
Балки аммам эридан умид қилгандур?
Балки "ҳалоскорим келди" деб таскин топгандур?
Аммо.... эри бир бор суриштирмай.....
Я Аллоҳ ҳаёл қилишга ҳам қўрқиб кетяпман.
Амман эрини севганми?
Ҳа севган! Ойим айтдику, "улар чиройли жутфлик бўлган" деб.
Инсон энг кўп кимга суянади. Қай бир эркакни олдида ўзини бехавотир сезади?
Аввал отага, ака-ука. Суйган ёр. Турмуш ўртоқ.
Ҳаа шундай.
Мен ҳам Соҳиб акамни олдида бутун борлиқни унитиб, ҳотиржам ҳис қиламан ўзимни.
Аммамда ўша пайтда шундай инсон бу эри бўлгани аниқ.
Аммам ҳам эридан умид қилгани аниқ.
Аммо улар нима қилган. Разиллик. Сўраб-суриштирмай....
Бу вахшийлик.
Аммам манқурт кимсалар қурбони бўлган.
Бири иккинчи нафсни қулига айланган, пасткаш.
Иккинчиси, ўз аёлига ишониш учун, ҳаракат қилиш у ёқда турсин. Ҳеч йўқ фикрлашни ҳам ҳаёлига келтирмаган, калта фахм шахс.
__Судда тиббий экспертиза ҳодимлари аммангга куч ишлатилгани, баданини баъзи жойларида кучли зарбдан қолган кўкаришлар бор бўлганлиги ҳақда маълумотлар айтишди...
Яна ўша номард ҳали амманг билан яқинликка улгурмагани ҳам маълум бўлди.
Ойим бошини эгиб жим бўлиб қолдилар. Сезяпман қийналяптилар. Икки йил бирга, бир ҳовлида яшашган экан. Опа-сингилдек бўлиб кетишгани аниқ.
Бу ҳодиса бутун оилага қаттиқ таъсир қилган. Оғриқли зарба бергани аниқ.
__Аммамни эри афсусландими? Шошилиб қилган ишидан афсус чекдими?
__Асти сўрама қизим. Куёвни оҳии бутун суд залини қулоқларини қоматга келтирди.
Ўзини ҳар ерга уриб, дод солди.
Аммо бундан нима фойда эди.?
Амманг тирилиб қолармиди?
Қорнида боласи билан увол кетган бечора Шайдо тирилиб қайтармиди?
__Нимааа?
Тилим калимага келмай қолди. Аммам ҳомиладор бўлган экан. Ё ҳудойим, ичим зирқираб кетди...
__Ҳаа қизим! Шайдо ҳомиладор бўлган экан. Уни эри дод солиб йиғлаганини кўрганингда эди.
Аммо мени бу нарсалар юмшата олмади. Унга сира ачинмадим. Шайдо синглимдек эди. Қандай синглимни қотилига ачинишим мумкин?
Буни иложи йўқ. Асло иложи йўқ.
__Уларга нима бўлган? Соҳиб акамни отаси ҳам жазоланганми? Аммамни эричи? Қамалганми?
__Шайдони эри, ўн саккиз йилга қамалди. Поччаси ҳам етти йилга қамалди. Тажавуз қилгани учун.
Бувинг билан бобонгни фарзанд доғи адо қилди. Бувинг ҳам кўп ўтмай, фарзанд доғидан куйиб чидолмай, Аллоҳга омонатини топширди.
Бобонгга бу жуда ёмон таъсир қилди. Анча чўкиб қолди.
Биз сал бўлсада уларни чалғисин деб. Уйимизни сотиб, шу ерларга кўчиб келдик. Йиллар ўтиб сен туғилдинг.
Бизни уйимизга чўккан зулматни қувиб келгандинг гўё.
Даданг "она қизим" деб бувингни исмини қўймоқчи бўлганди ўшанда.
Бобонг эса "Шайдо қўямиз, ёш кетган қизимни, ҳеч йўқ исми яшасин" дегандилар.
Шу сабаб, сенга шу исмни қўйганмиз.
Аслида сенга бу гапларни умуман айтиш ниятимиз йўқ эди. Балоғат, айни катта ҳаётга қадам қўядиган пайтингда. Бундай гаплар оғирлик қилиши, руҳиятингга салбий таъсир кўрсатишидан қўрқаётгандим.
Оила, катта ҳаёт, турмуш деган нарсалардан чўчиб қолишингни истамаганимиз учун. Сенга бу ҳақда энг бошидан айтишни хоҳламагандик.
Энди айтчи қизим. Сени қандай у оилага узатишимиз мумкин?
Оиламизни бир қизини увол қилган оилага қандай сени топширишимиз мумкин эди?
Бизда бундай катта юрак йўқ!
Яна бир йўқотишни кўтара олмаймиз.
Суюқ қайнота, қотил тоға қўлига топширолмаймиз.
Балки ўша сен айтаётган йигит ёмон эмасдир. Аммо уни отаси ва тоғаси сабаб, бизни қалбимизда жуда катта жароҳат қолган.
У жароҳатни эса малҳами йўқ.
Ойимни гапларида жон бор. Ҳеч ким рози бўлмасди. Аммо...
Аммо Соҳиб акамм...
Мен Соҳиб акамни яхши кўраман.
Аллоҳим мени иймоним сустлигини шу йўл билан жазоладингми?
Нақадар оғриқли жазо.
__Қизимм.
__Ойи мен бироз ёлғиз қолдиринг. Майли ҳаммаси сизлар айтгандек бўлади. -тўйиб йиғлаб олишим учун, ёлғиз қолишим керак. Бўғзимда йиғилган йиғини чиқармасликка уринганим сари, бутун аъзойи-баданим зурқираб оғрияпти.
Ойим тезроқ чиқиб кетса: тўйиб йиғлаб олсам.
Ойим чиқиб кетгач, қанча йиғладим, билмайман. Томоғин қақраб, сув ичиш учун чиқдим. Ошхонага борарканман. Меҳмонхонадан кимларнидур суҳбати қулоғимга чалинди.
Кимдур келгандур дея, ўтиб кетдим.
Ҳаёл суриб ўтирсам. Меҳмонхонадаги овозлар яқинроқдан келгандек бўлди.
Дераза ёнига бориб, парда ортидан, ташқарига қарадим.
Ойим ва икки аёл меҳмонхонадан чиқиб, дарвоза томон юряптию. Тўхтаб-тўхтаб яна суҳбат қуришяпти.
Юзларини кўролмадим....
Индамай, стулга ўтириб ўйга толдим. Росдан тақдирим Ҳаёт бўлса керак.
Қанчалик севсам ҳам, ота-онамни яраларини янгилаб, Соҳиб акамга турмушга чиқолмайман. Бу оиламдагиларни қалб жароҳатларига туз сепган билан баробар.
Аммо унута оламанмикан?
Яна кўз ёш...
Яна танамда оғриқ.
Бу оғриқ жисмоний зарбадан эмасди. Оғриқ аталмиш зарба борган сари танамни зирқиратиб ташларди.
__Шу ердамидинг? -ойим кўринишидан, нимадандур қаттиқ жаҳли чиқаётгани кўриниб турарди. Боя менга юмшоқ гапириб, тушунтириб чиқиб кетгандику.
Ҳали жавобимни айтмадимку.
Нега бунчалик жаҳллари чиқаяпти экан?
__Тинчликми ойи? Мен ҳаммасини ўйлаб кўрдим ойижон. Мен сизлар нима десангиз шунга розиман. Мен Ҳаётга турмушга чиқишга қаршилик қилмайман энди.
__"Тинчликми?"миш. -ойим заҳарҳанда кулди. -Энди тўй бўлмайди. Сен аҳмоқ Ҳаётга қандай ҳабар юбординг? Эсинг жойидами сен қизни?
Ойим тутоқиб бақириб юборди. Ёдимдан чиқибди Ҳаётга ҳабар юборганим.
Эй ҳудо энди нима қиламан?
Келган аёллар Ҳаётни яқинларимиди?
Ҳаётим умуман мен кутмаган таърафга ўзгариб кетди.
Мен агар имкони бўлса Соҳиб акамга турмушга чиқаман.
Агар буни имкони бўлмаса. Тақдирим Ҳаёт деб ўйлаб юрган пайтим.
Келажагим ҳақидаги ўйларимни, катта тўфон ўзгартириб юборди гўё.
Ҳаётга ёзган ҳабарим сабаб, дадам баттар ранжиди мендан.
Ойим ҳам ҳафсаласиз менга ачиниб қарайди.
Балки ўзларига ачинишар, мендек аҳмоқ қизлари борлиги учун.
Телефоним яна олиб қўйилди.
Яна уй қамоғига маҳкум бўлдим.
__Шайдо, сал сочингни йиғиб, кийимингга қара. Аҳволингни қара.
__Ойиии аҳмоқ қизингизни кўнглига сиғмайди бу нарсалар.
__Кўнглинггаям. -ойим асабий кўзларини юмиб очди. -Ҳаётни сенда икки оғиз гапи бор экан. Бу аҳволингда девона ҳам қўрқиб кетади. Сал ўзингни тартибла.
Ҳаёт? Ҳаёт келдими? Менда нима гапи бор экан?
Таралмаган сочимни устидан рўмолни бостириб ўрадим. Эгнимга камзулимни илиб, ташқарига чиқдим.
__Меҳмонхонада. Даданг билан ҳам гаплашди......Эссиз шундай йигит. -ойим охирги гапини ғудраниб айтганча мендан узоқлашди.
__Ассалому алайкум. -дедим Ҳаётни юзига қараёлмай.
__Ваалайкум ассалом. Яхшимисиз Шайдо? -овозидан шашти пастлиги сезилиб турарди.
__Ҳаёт мени кечиринг. Олдингизда жуда уятлиман. Сизниям руҳингизни тушуриб юборган кўринаман. -дедим йиғлагим келиб. Ахир уни айби нима эди? Нега уни ҳам бир бор ўйлаб кўрмадим. Тўққиз кундан кейин тўйи бўладиган йигит. Ичидан нималар ўтаяпти экан?
__Нега шуни аввалроқ айтмадингиз? Нега ўзим сўраганимда айтмадингиз? Шайдо биласизми мени қанчалик ҳижолатли аҳволга солиб қўйганингизни. Агар ўзим сиздан очиқ гаплашишни сўраган пайтим. Ўша йигит ҳақида айтганингизда ҳам кўз юмардим бунга. Мен ўша йигит билан гаплашгандим.
Кўнгил аммо. Майли буларни ортга ташлаш мумкин эди. Ҳозир ҳамма эмарку, баъзи бир ўн беш ёшли қизларни ҳам, бир-икки йиллик севги тарихи бор.
Аммо сиз...сиз мени юзимга оёқ қўйиб, менга унаштирилган бўла туриб, ўша йигит билан гаплашиб юргансиз.
Шуни даб-дурустдан ҳабар қилиб ёзмай, телефон қилиб, шахсан ўзимга айтсангиз бўлардику.
Биласизми? Кеча уйимизда ҳамма қариндош-уруғлар йиғилганди. Уй ясашаётганди.
Янги пардаларни жияним тикканди. Телефоним уни ёнида эканида ҳабарингиз борган. У атай ҳабар сиздан келганини кўриб. Мен билан ҳазил қилгиси келиб овоз чиқариб ўқиди. Ўша хонадаги қанча қариндошимиз эшитди. Эшитмаганларга-эшитганлар етказди.
Мен ҳижолатдан "ҳазиллашиб ёзган" деб турсам,
Бир жияним "мен айтгандимку, "йўғэ ўхшатгандурсан" деб оғзимга гап билан урдингиз. Мана Ҳаёт акамни унаштирилган қизи. Университетимизни меҳаниги билан гаплашиб юради." Деб ўша йигит билан сизни дарахт остида гаплашаётганингизда туширилган фотони кўрсатди.
Тўғриси сизни шарофатингиз билан. "Эплаб битта қизни кўнглини ололмабди" деган гап эшитдим.
__Кечиринг. -деёлдим ҳолос. Виждоним қийналди. -Мен хато қилдим. Айбдорман олдингизда.
Кўз ёшларим сидра-сидра тўкила бошлади.
Ерга қараб йиғлар эканман. Ҳаётни жойидан турганини билдим. Қадамларидан...
У мен томон келяпти. Жудаям ношудман мен. Кейинини ўйламай иш қиладиган, аҳмоқман.
__Йиғламанг! -У менга рўмолчасини узатди. -Агар шу унаштирувдан кейинги гаплар бўлмаганда. Мен асло тўйни тўхтатмасдим. Аммо сиз мени ғуруримни ер билан битта қилдингиз. Юзимга оёқ қўйдингиз. Ким кафолат беради. Эртага тўйдан кейин ҳам, иродангиз бўшлик қилиб.....
У гапидан тўхтаб қолди. Аммо мен уни нима демоқчи эканини англаб бўлгандим.
Жуда алам қилди. У мени келажакда ҳиёнат қилишим мумкинлигини назарда тутиб гапирди. Наҳотки, мен унда шундай таасурот уйғотган бўлсам?
__Гапларим оғир ботган бўлса узр сўрайман. Аммо бу фикрим, келажак ҳаётингизда ас қотиб қолади деган умиддаман. Дадангиз билан гаплашдим. Тўй тўхтатилганини асл сабабини ҳеч ким билмайди. Бу икки оила ўртасида қолади. Мен бу ҳақда билган ҳамма қариндошларимга айтдим. Сиз ҳақингизда ҳеч қаерда, ҳеч қандай гап гапиришмайди.
Шунчаки "ёшлар келишолмабди" деб қўйишади. Тўй тўхтатилганини сабабини сўраганларга.
__Раҳмат. -дедим пиққиллаб, шунчалик мард йигит эдими бу Ҳаёт? Хоҳласа шарманда қилса бўларди. Аммо у ундай қилмади.
__Арзимайди. Бу отангиз учун. Ўзига қарашли бўлган қизлар ҳақдаги одамларни гап-сўзи, эркак кишини руҳини синдиради. Хоҳ у ота бўлсин, хоҳ ака-укалар.
Майли соғ бўлинг.
__Кечиринг?
__Сизга чин кўнгилдан бахт тилайман. Хайр.
Ҳаёт чиқиб кетди. Қўлимда кўз ёшлардан хўл бўлиб кетган уни рўмолчаси билан ортидан термулиб қолдим.
Мен Аллоҳ берган бахтга, ўзим эшик ёпган аҳмоқман.
Ҳаётни севиб қолган эканман демайман. Аммо уни қанчалик яхши инсон эканини англаб бўлгандим.
У ҳар қандай қизни бахтли қила олишига ишонардим.
Аммо мен севги деб, уни қадрига етмадим.
Кўзларим фақат Соҳиб акамни кўрди. Юрагим фақат Соҳиб акамни деди.
Ҳатто ҳозир ҳам Уларни яхши кўраман.
Аммам билан бўлган ишларда Соҳиб акамни айби йўқ.
Мен ота-онам учун Соҳиб акамдан кечишим мумкин. Лекин асло унутмайман.
Унутолмайман!!!..
Шу кундан бошлаб, ҳаётимга бутунлай зулмат ин қурди.
Ҳаёт кетди. Дадам мен билан бир оғиз гаплашмай қўйди.
Ойим-барибир онада, "қисматинг шу экан" деб овутган бўлади баъзида.
Соҳиб акам эса....
Соҳиб акам изсиз ғойиб бўлди.
Аслида бундай дейиш нотўғридур. Сабаби изсиз ғойиб бўлди дейиш учун. Мен уларни суриштирганим йўқ.
Сабаби бунга имконим йўқ эди.
Дадам мени уйдан чиқишимга йўл қўймаётганди.
Ўқишим ҳам олдиндан янги йилдан кейингача гаплашилгани учун, куpc раҳбарим ҳам безовта қилмасди.
Кусрдошларим билан гаплашай десам: телефоним йўқ.
Янги йил ҳам, татимади. Мана бир ойдан ошдики, кўчани фақат дераза орқали кўраман.
Ҳатто янги йил оқшомида маҳалламиздагилар. Кўчада йиғилиб кичик ўйин қилишганда ҳам. Менга рухсат беришмади.
Шундай бемазмун кунларимни бирида дугонам мени йўқлаб келди.
__Бормисан Шайдо. Янги йил ўтса ўқишга қайтади дейишганди. Қайтмадинг. Сени соғиниб кетдимку.
__Мен ҳам соғиндим. -дедим шунча пайтдан буён, фақат оила аъзоларимнигина чеҳрасини кўрганим учун. Уни келганидан суюниб.
Инсонни кун-у-туни бир хил ўтаверса ҳам зерикаркан.
__Соғиндимда сени...
__Мен ҳам соғиндим. -деб уни маҳкам қучдим. -Мадина сендан бир нарса сўрасам майлими?
__Майли сўра.
__Соҳиб акам....Соҳиб акамни кўриб турибсанми?....Улар яхшими? -дедим титраб паст овозда ҳеч ким эшитиб қолмасин деб.
__Соҳиб аканг йўқ. -деди у тезда жавоб қайтариб. -Соҳиб аканг келмай қўйган Университетга. Анчадан буён кўринмаяпти. Ҳатто ўрнига бошқа меҳаник ҳодим ишлаяпти.
__Нимаа? Қаерда экан?
__Мен қаердан биламан Шайдо? -дугонам кўзлари пир-пираб қаради. -Билсам, кўрган бўлсам сенга айтмасмидим.
Мен индамадим. Ҳаёлим Соҳиб акамга кетди. Ўша кундан буён кўрмадим. "Сени ҳеч кимга бермайман" дегандилар. Бир оғиз хайрлашмай, ғойиб бўлдиларми?
Ойимни айтишича, дадам ўша куни Соҳиб акамга ҳам ҳақиқатни айтган экан.
Балки шу сабаб кетишни маъқул кўргандур.
__Шоҳида бугун кечга тайёргарлик кўринглар, меҳмон келади.
__Ҳўп дадаси. Ким келади.
__Шайдони бўлажак турмуш ўртоғи.
Нонушта пайтида дадам айтган гапдан ичаётган чойимга тиқилиб қолдим.
Яна қанақа турмуш ўртоқ?
Дадамга савол назари билан қарадим. Аммо дадам юзини терс ўгириб олди-да, яна ойимга гапирди.
__Қизингга айт. Аза тутган одамдек тумраймай, сал чеҳрасини очиб юрсин.
Келадиган меҳмон олдида ҳам шундай ўтирса, мендан яхшилик кутмасин.
Дадам юзига фотиҳа тортиб, дастурхондан туриб кетди. Ойим ҳам дадамни кузатиш учун чиқиб кетди.
Мен эса, миямда ғуж-ғуж саволлар билан қолдим.
.
Кечгача ҳаёлларим тарқоқ юрди. Ким экан келадиган меҳмон? Дадам "Шайдони бўлажак турмуш ўртоғи" деди.
Ҳаёт кетгандан кейин бу ҳақда ортиқча гап бўлмаганди.
Ўзи дадам мен билан умуман гаплашмай, қўйганларку.
Фақат ойим, кўпинча ачиниб гапирадилар.
Балки ҳақдурлар ойим.
Мен шошма-шошарлик қилиб, ўша ҳабарни ёзмаганимда. Ҳозир Ҳаётга турмушга чиққан бўлардимми?
Тўғри мен Соҳиб акамни унутганим йўқ. Барибир йўлларимиз параллел экан.
Анчадан буён ҳеч нарсани ўйлагим келмай қўйгандим. Бугун бир ўй миямга ўрнаб қолди.
Мен барибир Соҳиб акам билан бирга бўлмас эканман.
Бошқага турмушга чиқарканман.
Ҳаёт яхшимиди?
Ҳар қалай уни оз бўлса ҳам билардим.
Дадам айтган йигит ким экан?
Миям ғовлаб кетди.
__Қизим чиқ энди. Даданг билан, даданг эрталаб айтган йигит келди. -қизиқ уйланмоқчи бўлган одамни совчилари келарди одатда. Бу йигит эса ўзи келаётган экан. Буниси қандай бўлди энди?
__Бўлақол.
__Ҳозир мана. -истамайгина хонамдан чиқдим.
__Сал юзингга упа-мупа суртиб олмабсанда.
__Қўйинг ойи. -дедим беҳол. Қанийди ҳозир келаётган инсон Соҳиб акам бўлганда. Ойна олдида. Нақд икки соат ўзимга оро берган бўлардим. Афсус. Улар на ўзи келди. На улар ҳақда бир ҳабар эшитдим.
Қалбим ҳувиллаб қолди.
Энди менга ҳеч нимани аҳамияти йўқ.
Пешонамда борини кўраман.
Ҳамма учун кутилган. Мен учун келишини хоҳламаган, инсон дадам билан кириб келди. Бир қарадим-у, қайта қарагим келмади.
Ичимдан йиғи кела бошлади. Йўқ мен қандай қилиб? Қандай қилиб....?
Ичим ёниб кетяпти.
Хоҳламайман, аммо мажбурман.
__Қизим саломлашмайсанми? -ойим туртгач, ёш тўла кўзларим билан ойимга қарадим. Кўз ёшларимни, чиқармаслик учун, киприк қоқмаяпман.
Ойим "йиғлама" дегандек қаради. Кейин, йигит таърафга имлади.
__Узр қизим бироз ҳаяжонда. -ойим йигитга ҳижолатомуз гапирди.
__Ҳечқиси йўқ. -деди йигит самимий оҳангда.
Мен эса чидолмадим. Кўз ёшларимни кўрсатмаслик учун, югурганча хонам томон кетдим.
Ортимдан ойимни "Шайдоо" дея чақирганига ҳам аҳамият бермадим. Хонамга кириб ҳўнграб йиғлаб юбордим.
Тамом....
Бари тамом!
Мен қилган орзулар!
Мен тасаввур қилган келажак!
Мени севгим. Мени ҳеч кимда йўқ. Такрорланмас ғурурсиз севгим.
Бари тамом.
__Мумкинми? -бироз ўтгач хонам эшиги, аввал таққиллади. Кейин очилди. Эшик олдида ўша йигит турибди.
__Бу ерда нима қиляпсиз? -дедим бўғриқиб.
__Бу уйга сиз билан танишиш учун келгандим. Хонангизга қамалиб олганингизга, ёлғиз гаплашиб олмоқчидур деб ўйладим. Ойингиз сизни чақирмоқчи эди. Улардан рухсат сўраб ўзим келавердим олдингизга.
__Нимааа? -эшикка суяниб олиб, бамайлиҳотир гапиришидан жаҳлим чиқди. -Ўзизи кимман деб ўйлаяпсиз. Бу хонага бегоналар киришини ёқтирмайман. -дедим олайиб қараганча.
__Мен энди бегона эмасман. Бўлажак турмуш ўртоғингизман.
__Ҳали аниқмасс!!
__Дадангиз билан ҳаммасини гаплашиб бўлганмиз. Гап сизда қолган.
__Мен ҳали жавобимни айтмадим.
__Унда биз яқин-бегоналармизми?
"Иккимиз энг яқин бегоналармиз"
Машҳур бир қўшиқни бир қатори ёдимга тушди.
Дадам бу йигитга узатиши аниқ мени.
Шу сабаб биз Соҳиб акам билан мен ҳам шундай. Энг яқин бегоналармиз.
Кўнгил яқин. Тана йироқ.
Жин урсин яна кўзим ёшланяпти.
Йўқ мумкинмас...
Бу йигитни олдида йиғлашим асло мумкинмас.
__Шайдо сизга нима бўлди? Ҳафа қилдимми сизни? -йигит эшикдан ичкарига кирди.
__Кирманг. -дедим бу қилиғидан жаҳлим чиқиб.
__Ҳўп-ҳўп. Фақат жаҳлингиз чиқмасин. Ота-онангиз кутиб қолди. Бизни бу ерда туришимиз уларга нисбатан ҳурмацизлик бўлади. Балки олдиларига чиқармиз.
__Ўзингиз чиқаверинг! Мен....
__Шайдо менимча сиз иккимизни тўйимиз ҳақдаги гапларга қаршисиз. Агар сиз қарши бўлсангиз. Мен мажбурламайман. Майли яхши қолинг.
У чиқиб кетди. Мен ҳам чиқишим керак. Дадам энди соғ қўймайди мени.
Мени қарор чиқаришга ҳаққим йўқ.
Етарлича ота-онамни асабларини емирдим.
Яна хато қилсам. Улар мени кечирмайдилар.
Ўзи дадам ҳали ҳам ҳафа.
Ноилож ўрнимдан туриб, хонамдан чиқдим.
Меҳмонхона томонга юрар эканман. Дадам ва ўша йигитни суҳбати қулоғимга чалинди.
__Баҳодир олдингизда ҳижолатдаман. Бу қизимни узоқ кутилгани учун. Анчагина эрка қилиб тарбиялаб қўйганмиз.
Турмушга чиқиб, бағримиздан кетишини ҳазм қилолмаяпти шекилли.
__Ҳечқиси йўқ. Ҳамма қизлар ота-онасини меҳридан кечкиси келмаса керак.
__Ярангизни янгиламоқчи эмасдим.
__Йўғэ нега ундай дейсиз.....-қизиқ қандай яра ҳақда гапирди экан-а дадам? Йигит ҳам жим бўлиб қолди. -Мениям синглим шундай, эркароқ. -деб бироздан кейин гапини тўлдирди.
__Бу ерда турма. Ма чойни олиб кир гап пойламай.
Ойим бироз зарда билан чойнакни қўлимга туткасди. Уларниям тушунаман. Зада қилиб юбордим чеҳрам очилмай.
Аммо ўзимни амжбурлаб кулолмасам нима қилай?
Ўзимда бўлса: бир ухлаб туриб ҳаммасини унутиб, барига кўз юммасмидим.
Менимча мен жудаям иродаси бўш қизман.
__Ассалому алайкум. -дея эшикдан кирдим.
Ҳаёт, бу — бир қарасанг барча нарса бир онда тугайди.
Ҳаёт, бу — тугади деган он барчаси бошидан бошланади!
Мен Соҳиб акам билан бизни оиламиз ҳақидаги бор гапни эшитганимда.
Ҳаёт билан орамиз очиқ бўлганда бариси тугади деб ўйлагандим.
Баҳодир...
Бу йигит дадамни супермаркетларидан бирида, иш бошқарувчи экан.
Дадамни айтишича, жуда меҳнаткаш, тиришқоқ йигит эмиш. Бир йил олдин оддий маҳсулот ташувчи бўлиб ишга кирган йигит. Бора-бора ўзини кўрсатиб, ҳаммолликдан-иш бошқарувчиликкача кўтатилибди.
Уни фақат биттагина яқини, синглиси бор экан.
Болалар уйида катта бўлишган, бошларидан жуда кўп қийинчиликлар ўтказишган экан.
Қизиқ. Мен шунча қийинчилик кўриб, уйланмоқчи бўлган йигитга муносиб рафиқа бўла олармиканман?
Ахир мен....
Шунча гапга қарамай, ҳали ҳам Соҳиб акамни яхши кўраман.
Шу кўксимдаги юрагим. Бир кун йўқки, уларни эслатиб ҳапқирмаган.
Бугун мени тўйим.
Мен Баҳодир ака билан турмуш қураяпман.
Ҳозир март ойини охири.
Мен шу пайтгача Соҳиб акамни кўрмаганимга тўрт ой-у, ўн етти кун бўлди.
Мени тўйгача деярли кўчага чиқаришмади.
Деярли, фақат зарур бўлган пайтларда кўчага чиқдим.
Ундаям, Баҳодир ака ҳамроҳлигида. Мени қаерга бўлса ҳам ўзи олиб бориб юрди.
Мен эса, кўчада ҳеч йўқ тасодифан, узоқдан бўлса ҳам Соҳиб акамни кўриб қоламанмикан деган умид билан, атрофга аланглардим. Аммо кўрмадим. Уларни стилида кийинган бирон эркакни кўрсам, юрагим безовта бўларди. Аммо юзини кўргач, тарвузим қўлтиғимдан тушгандек шумшайиб қолардим.
Мана бугун шу умид ҳам йўқ энди.
Энди Баҳодир акага, нисбатан виждонсизлик қилмаслигим керак.
Аммо Соҳиб акамни ўйламасликни эплай олармиканман?
Қўлимдан келармикан?
Юрагим кўнармикан?
Тўй, ҳамма тўй қатори ўтди.
Ўзгача нарса, ҳамма келин тўйда ҳаяжон, ва бироз қўрқув билан ўтирса, мен ичимда бўшлиқ билан ўтказдим.
Баҳодир ака эса аксинча, мамнунлиги, юз мимикаларидан ҳам билиниб турарди.
Синглиси анча шўхроқ қиз экан. Оғзи-қулоғида. Тўй тугагунча даврани бўшатмади деса ҳам бўлади.
Якка-ю, ягона акаси. Умуман ягона яқинини тўйида беармон ўйнади.
Қариндош аёлларимиз кўз остига олиб қўйишган бўлса ҳам ажабланмайман.
Сабаби, Баҳодир акани синглисини кўп бора, уларни ногоҳлари тақибида кўрдим.
Тан оламан, мен яхши қиз эмасман. Умуман яхши инсон эмасман.
Тўй тугагунча икки кўзим тўйхонани кириш эшигида бўлди.
Кимни кутдим?
Аҳмоқона савол-а?
Жавоби ундан ҳам баттар.
Мен Соҳиб акамни кутдим. Охиригача....
Баҳодир акани уйига етиб келгунимгача...
__Шайдо ўзиззи қўлга олинг. Нега йиғлаяпсиз? -келин-куёв учун ажратилган, хонада янгам олдида, тўйда йиғилиб, ташқарига чиқаролмаган кўз ёшларимни тиёлмадим.
__Янга мен хоҳламайман. Кирмасин мени олдимга. Куёв киришини, у билан бир хонада қолишни хоҳламайман. -дедим ҳиққилаб.
__Жинни бўлганмисиз? Бу қандай гап энди.
__Янга керакмас.
__Мен аммангизни чақираман.
Янгам яъни, тоғамни аёли, бошини сарак-сарак қилганча чиқиб кетди. Зум ўтмай хонага аммам билан қайтиб кирди.
__Нима гап, Назирахон? Куёвни синглисини олдида бироз ҳижолат бўлдим. Бу ёққа судраганингизга. Бирор муаммо борми?
Аммам эшикдан кира солиб, янгамни саволга тутди.
__Опаа бу қизни гапини қаранг. -янгам висирлаб, мени гапларимни аммамга айтиб берди. -Нима бўлса ҳам мен келинман. Гапимни ўйлаб гапирганим яхши. Қаттиқроқ гапириб юбориб опамдан балога қолмай деб сизни чақирдим
Сиз аммасиз! Ҳаддингиз сиғиб, гапира оласиз.
__Сен қиз жинни бўлдингми? -аммам янгамни гапларидан тутаб кетдиёв. Янгамга жавоб бермай, олдимга келиб, зарда билан ўзига қаратди. Паст овозда гапираётган бўлса ҳам, оҳангидаги зардани англамасликни иложи йўқ эди.
__Аммааа. -дедим мўлтиллаб.
__Кўзини суйдигини оқизиб менга қарама. Сен қиз укамни тамом қилмоқчимисан? Бир марта фотиҳанг қайтгач, даданг қанча сиқилганини биласанми? Сен қизни ортингдан "сахр" касалини орттириб олганиничи? Нима сен укамни тириклайин гўрга тиқмоқчимисан?
Аммамни гапларидан қотиб қолдим. Дадам....
Дадажоним...
Мен сабаб, дард орттириб олдиларми?
Йиғлаб юбордим. Аммам яна бир дунё, аччиқ-тирсиқ гапларни гапирди. Ўлай агар ҳеч бири миямга етиб бормади.
Аммам билан янгам, чиқиб кетишди. Қанчадур вақт ўтиб хона эшиги очилиб, таниш ифор хонага ёйилди.
Бу ифор бугун мен билан куни бўйи ҳамроҳлик қилган, инсонга тегишли эди.
__Шайдо яхшимисан? Йиғладингми? -одатга қарши бу сафар сен деб мурожат қилди. Мен эса жавоб бермадим. У иягимдан тутиб ўзига қаратди. -Нима бўлди? Қўрқаяпсанми? -деди юмшоқлик билан.
__Илтимос менга тегманг. -дедим баттар йиғлаганча.....
Давоми бор.
#Жарохат