Вич ийыште – кок пачаш

Пытартыш вич ийыште республикыш толшо турист-влакын чотышт кок пачаш шукемын.
Тидын нерген Марий Элын Туризмым вияҥдыме шотышто агентствыже увертара. Мутлан, кодшо идалыкыште чылаже 1200 тӱжем турист толын каен. Тышеч 504 тӱжемже икшыван еш-влак лийыныт. Тӱшка гыч пелыж наре мемнан дене малашат кодын гын, молышт экскурсант лийыныт. Тӱҥ шотышто уна-влак Татарстан республик, Москва ола, Киров, Нижегородский да Моско областьла гыч толедыныт.
Регионышто турист пашам 11 туроператор ден 93 организаций шуктат. Толшо-влакым вашлийын да сийлен кертше 75 точкына уло. Лу вереже марий калык кочкышым темлат.
Тылеч посна мемнан кундемыште куд санаторий пашам ышта. Турист-влаклан илаш пураш унагудо сынан 83 вер уло. Иканаште 9383 еҥым вашлийын кертыт. https://газетамарийэл.рф/vich-ijyshte-kok-pachash/