Марий Эл Республикым Вуйлатыше Юрий Зайцев Ӱдырамаш-влакын тӱнямбал кечышт дене алал кумылын саламла!

Марий Эл Республикысе шерге ӱдырамаш-влак!
Тендам Ӱдырамаш-влакын тӱнямбал кечышт дене алал кумылын саламлем! Шошо толмым символ семын ончыктышо тиде пайремым ме тыланда, айдеме тукымын сылне ужашыжлан, йӧратыше кумылан, шокшо шӱм-чонан улмыланда, эреак тыршен шогымыланда кугу таум каласаш шонен, эркак вургыжын вучена.
Ӱдырамаш-влак кеч-кунамат еш илышын шокшыжым арален шогеныт, у пашалан кумылаҥденыт, тыгодымак профессиональный ден мер илышыште чулымлыкым ончыктеныт да ончыктат. Тендан мудреч уш-акылда, чытышда да пашам йӧратымыда илышын тӱрлӧ ужашыштыже кугу лектышыш шуаш полшат, воктенда улшо еҥ-влакым у сеҥымашке шуаш кумылаҥдат.
Тиде чапле пайрем кечын тыланда пеҥгыде тазалыкым, лишыл еҥда-влакын шӱм-чон шокшышытым, тӱткышым ойырымыштым, тендан верч тыршен шогымыштым шижаш, тыгак ласка шомакыштым колаш да нӧлталтше кумылым тыланем! Тек илышда куанле татлан поян лиеш, тӱҥалме чыла пашаштыда сеҥымашке шуаш тыланем!
Пиалан, йӧратыме лийза, тек тендан верч эреак тыршен шогат!