GU'LLER AN'LAMAS

Tobinan ayirilg'an torala g'azdin',
G'an'qildisin aydin ko'ller an'lamas.
Gu'l ishqinda ku'ygen bu'lbil nalasin,
Ba'ha'rde ashilg'an gu'ller an'lamas.
Birewge - ayraliq, birewge - sayran,
Du'nyanin' isine qalarsan' hayran.
Suw izlep ilaqsa jarali ja'yran,
O'zi suwsap atqan sho'ller an'lamas.
Qastin' barday sonsha qiynap janimdi,
Ayawsiz shertersen' kewil tarimdi.
Menin' "sen" dep shekken azaplarimdi,
Qudag'a min' shu'kir, eller an'lamas.
Gu'l ma'wsimi o'ter ba'ha'ri jazi,
Biymezgil urmag'ay qazan ayazi.
Ashiq Ayaz "sen" dep pitken bayazin,
Biyda'rt janlar, alshaq diller an'lamas.