Кыргызстан Бүткүл дүйнөлүк саламаттык сактоо уюму (БДСУ) демилгелеген 7 жаштагы баланын физикалык жактан өсүп жетилүүсү жана ден соолугунун чыңдыгына көзөмөлдөө жүргүзүү изилдөөсүнө (COSI) кошулуп, 46 мамлекеттин катарын толуктайт.

Бул тууралуу бүгүн, 22-мартта болуп өткөн маалымат жыйынында белгилүү болду.
Изилдөөнүн алкагында, 2017-жылдын январь айында жана 2018-жылдын 9-февралында БДСУнун адистери тарабынан COSI изилдөөсүн жүргүзүүгө адистердин улуттук командасын даярдоо үчүн тренингдер өткөрүлгөн. Анда саламаттык сактоо тармагынын дарылоо- алдын алуу мекемелеринен 40 адис билим алган.
COSI изилдөөсү мектептеги 7 жаштагы башталгыч класстын окуучуларынын салмагын, боюн, физикалык активдүүлүгүн көзөмөлдөө үчүн демилгеленген иш-чара. Салмактын ашыктыгы же жетишпестиги социалдык-экономикалык жана айлана-чөйрө шарттарына гана эмес, дени сак жашоо образын алып жүрүү менен да байланыштуу болот.
Изилдөөгө Республика боюнча 150 го жакын мектеп, 7 жаштагы 7000 миңге жакын окуучулардын катышуусу күтүлүүдө.
#DS_KG
#COSI