SHEJIRE ...

Ko'rin'ler xalıqtın' shejiresin, Esit shejirenin' ma'nisin, Ba'rshenin' ata-babasın, Aytıp bayan qılg'an eken: A'nes, Ma'lik ekki kisi, Payg'ambardın' sahabası, A'nes – qazaqtın' babası, Shundın "alash" bolg'an eken. Ma'liktin' ug'lı – Razıhaq Yashlıg'ında qoydı g'ulpaq, Kiygen eken qara qalpaq, Shundın "qalpaq" bolg'an eken.
Sahra xalqı ko'ship gezbek, Ka'ntli jerden watan du'zbek, Qalpaqtın' ug'lıdur o'zbek, O'zbek jekke bolg'an eken.
O'zbek yashında u'ylendi, On beshinde ullı boldı, Anın' atın Jiyen qoydı, Jiyen batır bolg'an eken.
Jiyenge haq na'zer saldı, Mal-du'nyası abad boldı, Jiyen zag'ıypnı ko'p aldı, U'sh zag'ıypı bolg'an eken.
Ba'ybisheden Mayqı tuwdı, Sıpayılıq jolın quwdı, Ozaldan o'zi biy boldı, Xan atası bolg'an eken.
Mayqının' ug'lı Jayılg'an, Ya'ne birisi Seyilxan, "Jayılg'an" atı uran bolg'an, Qon'ırat uran qılg'an eken.
Jayılg'an bila'n Seyilxan, Seyilxan – yawmıt, turkmen bolg'an, Mayqıdan tuwıp ayrılg'an, Ol Qon'ırattın' tuwg'anı eken.
Bir zag'ıybı Sa'rnaz eken, Hu'ri-pa'riydin' o'zi eken, Qıtayı-Qotannın' qızı eken, Jiyen shunnan alg'an eken.
Sa'rnazdan tuwdı Qıtaybek, Qıtayı ton qıldı jo'rgek, Ya'ne birinin' atı "Shaq", Qıtay-qıpshaq bolg'an eken.
Malı-du'nya tilla boldı, Kiygen tonı hilla boldı, Qıtaybek da molla boldı, İlmi talıp bolg'an eken.
Molla namaz shu'riw1 etti, Shaq aldınan yu'girip o'tti, Namazını pasıd etti, Ol buzg'ıwshı bolg'an eken.
Shaq yash bala erke ug'lı, "Qıp" demeklik a'reb tili, Qıpshaqdur tu'rki ma'nisi, Shunnan "Qıpshaq" bolg'an eken.
Qıtaybek ha'm qoy jıynadı, Qoyı jahang'a sıymadı, Ala tawlardı jayladı, Ol taw uran bolg'an eken.
Qıpshaq ha'm jılqı jıynadı, Jelige qulın bayladı, Qımız sabasın sayladı, "Toqsaba" uran bolg'an eken.
Bir zag'ıyıptan eki ul bolg'an, Mu'yten bila'n Qıyat tuwg'an, Tuwg'an anası Arıwxan, Qıyatqa uran bolg'an eken.
Jiyen ortasına qondı, Mayqı on' jag'ına qondı, Qıtay sol jag'ına qondı, Shunnan on'-sol bolg'an eken.
Mu'yten tuqımı tentek boldı, Jayılg'ang'a sawda saldı, Jayılg'an biy ba'rin qırdı, Ekki bala qalg'an eken.
Onnan ekki bala qalg'an, Balanı asırap alg'an, - Anı saqlag'an Aqsholpan, Mu'ytenge uran bolg'an eken.
O'zbek ja'ne zag'ıyp aldı, Qalın'ı yetti san boldı, Yetti san at shunnan qaldı, Onnanu'sh ug'ıl tuwg'an eken.
Teke, Kene, biri Man'g'ıt, Man'g'ıt degen gu'lli Man'g'ıt, Teke degen Teke – Yawmıt, Kene Man'g'ıttın' tuwg'anı eken.
Kenenin' Man'g'ıt ag'ası, Kene tentekdur inisi, Ha'r is etse kesdur isi, Ol Keneges bolg'an eken. Sho'llerge gezer jeyranı, Jeyrang'a qurg'an aranı2, Keneges – Man'g'ıt uranı – "Jawlı – shawqay" bolg'an eken. Mu'yten, Qon'ırat, Qıtay, Qıpshaq, Keneges – Man'g'ıt aq pıshaq, Ba'ri altı urıw qaralpaq Ko'shkende ayrılg'an eken.
* * *
Aylanurlar neshe zaman, Ullı yurtlar bar musılman, Onın' patshası Altın xan, Ullı patsha bolg'an eken.
Patshada bardur altın tax, Quda berdi ha'm da'wlet-baq, Ol patshanın' perzenti yoq, Bir nasharı bolg'an eken. Hasıl a'wlad der zatını, Ko'rdim shejirede xatını, Almalı Ko'rikli der atını, Hu'r periden bolg'an eken.
Patsha qızına jay saldı, Ja'nnet kibi saray saldı, Qırq qıznı xızmetker qıldı, Patsha kibi bolg'an eken.
Gu'mis ayna, altın taraq, Jayını ko'rsen' zerbaraq, Qoyıp ga'whariy-shamshıraq, Shunnan yaqtı qılg'an eken. Salg'an eken ullı jaydı, Jedi nabat-sheker, shaydı, Qız ko'rmedi ku'niw-aydı, Shul jayda ba'nt bolg'an eken.
Ol qız on besh yashqa kirdi, Shul sarayda o'mir su'rdi, Jaydı tesip, ku'ndi ko'rdi, Ku'nge ha'wes bolg'an eken.
Qız ashıldı, sha'yda' boldı, Neshe yıllar ayda boldı, Shundın ha'mila' payda boldı, Ku'nnen ba'hra alg'an eken. Alqıssa qız ju'kli boldı, Buw sırnı anası bildi, Altın xang'a bayan qıldı, Patsha hayran bolg'an eken.
Altın xandı qıyal tuttı, Ustalarg'a ha'mir etti, Ustalar sandıq du'zetti, Altınnan qaplag'an eken.
Qız ha'mile yazıq bila'n, Kiyim-kenshek, azıq bila'n, Malı-du'nya qızıq bıla'n, Ol sandıqqa salg'an eken.
Qız biyshara turdı-yattı, Namazsham boldı, tan' attı, Sandıqnı da'ryag'a attı, Patsha ha'mir qılg'an eken.
* * *
Ekki adam mergen edi, Kiyik-qulan atar edi, Da'ryada sandıqnı ko'rdi, Ekkisi dush bolg'an eken.
Birinin' atı Tomawıldı, Ya'ne bire Shıban yerdi, Maqsudını quda berdi, Tilek qabıl bolg'an eken.
Tomawıl mıltıq ko'zla'di, Nıshananı berk du'zla'di, Shıban "atpa" dep so'zla'di, Onnan son' atpag'an eken.
"Altın sandıq zıyat" dedi, "Zarar tiyse uyat" dedi, "Tuwrı atpa, qıya at" dedi, Shunnan "Qıyat" bolg'an eken. Tomawıldın' qaha'ri qattı, Sandıqtın' burshına attı, Qırg'a aylandı, bular tuttı, Suwdan su'yrep alg'an eken.
Ekki mergen ha'm so'zla'sti, Ma'sla'ha't qılıp oylastı, İshi-tısını paylastı, Ma'sla'ha't shul bolg'an eken.
Shıban ko'rip altınnı aldı, Tomawıl ta'wekel qıldı, Anın' payı ishi boldı, Wa'desi shul bolg'an eken.
Mergenler da'ryadek tastı, Ol sandıqtın' ag'zın ashtı, Qıznı ko'rip, aqlı shashtı, Bir pa'riy olturg'an eken.
Ayat ha'diysdur so'zleri, Jan alur jadıw ko'zleri, Sha'msiy qamerdur yuzleri, İla'hiydin' bolg'an eken...
Ko'rin'ler bul haslı zattı, Eshitin'ler iltipattı, La'yla'tul aqsham tolg'attı, Ayı, ku'ni tolg'an eken.
Sandıq aqqan da'rya-suwdı, Ol nashardı na'sip quwdı, Ha'zireti Yusuftey ul tuwdı, Atın Shın'g'ıs qoyg'an eken.
Andın son' Tomawıl aldı, Ra'sul su'nnet nekah qıldı, Tomawıldan bir ul boldı, Bo'denetay bolg'an eken.
Ol nasharg'a rahmet jawdı, Himma't qurın belga' buwdı, Ya'ne ha'm bir ug'ıl tuwdı, Ol Bu'rgeltay bolg'an eken. Tomawıldın' u'sh ug'lı bar, Shın'g'ıs bag'da lala-gulzar, Erenler-pirler ma'detka'r, Haslı ku'ndin bolg'an eken. * * *
Bular keldi onbesh yashqa, Ana birdur, ata basqa, Ekki inisi Shın'g'ısqa Ko'p jamanlıq qılg'an eken.
Ol ekkisi ta'rep boldı, Shın'g'ısqa jamanlıq qıldı, Shın'g'ıs yurttan keter boldı, Kewli yaman qalg'an eken. Shın'g'ıs aydı: "
men ketermen, Da'rya o'rine yetermen, Barıp shunda jay tutarman, Nesiybem shul bolg'an eken"...
Almalı Ko'rikli yıg'ladı, Shın'g'ıs bag'rını dag'ladı, Ayralıqqa bel bag'ladı, Zarı-giriyan bolg'an eken.
Shın'g'ıs der: "anda qıslarman, Nesip bolg'anın uslarman, Pa'rin da'ryag'a taslarman",- Nıshanam shul bolg'an eken.
Anası aydı: "ku'lmesma'n, O'li-tirin'ni bilma'sma'n, A'jel yetmey men o'lmesma'n", Diyip afg'an qılg'an eken. "Anajan, mag'an juwap ber, Haqqımg'a duwa qılıp tur, Ha'ptede bir da'ryanı ko'r", Diyip wa'de qılg'an eken.
"Panıy du'nyag'a kelgenim, Pa'r aqsa aman yu'rgenim, A'ga'r aqmasa o'lgenim, Shunnan ma'lim bolg'an eken. Mennen sag'an sebep boldı, Jayın' qaldı qarap boldı, Ku'yip bag'rın' ka'bap boldı, A'zelde yazılg'an eken. A'ga'rde jan shıqsa ta'ndin, Razı bolg'ıl, anam, mendin, Men ha'm ayra tu'shtim sendin, Baxtın' qara bolg'an eken.
Qulaq salın' ushbu so'zga', O'mirim yetma's toqsan-yuzge, Awel bastan alla bizge Ayralıqtı yazg'an eken.
Yıg'larman anam ka'bam dep, Mehriban pushtı panam dep, Sen yıg'larsan' jan balam dep, Qıyamet ku'n bolg'an eken." Bala, ananın' ko'z yashı, Urdı pa'la'ktin' ga'rdishi, Sabır qılmaq ma'rtnin' ishi, Shu'kir subhan3 qılg'an eken.
"Yıg'lamag'ıl – qayg'ı-g'am yep,Qılg'ıl duwanı ruzısha'p4, Seni haqqa tapshırdım" – dep, Xoshlasıp ayrılg'an eken.
* * *
Eli-xalqı, puqarası, Tul, yetimnin' ko'zde yashı, Biyıqtıyar malı-bashı, Yurtı oyran bolg'an eken.
Yaqshılar ma'sla'ha't qıldı, Almalı Ko'riklige keldi, Kelip ug'lını tiledi, Tilek qabıl bolg'an eken.
Tilegini qabıl etti, Kelgenlernin' ishi pitti, "Shın'g'ıs yurttan shıg'ıp ketti", Diyip, afg'an qılg'an eken.
"Bul eki ug'lım xan bolmas, Mundin maqluq insan bolmas, Xan bolıp yurt tuta bilmes", Eki ug'lını sınag'an eken.
"Qırq adam talap qılın'lar, Ha'r yerga' soraw salın'lar, Shın'g'ısnı tawıp alın'lar, Xanın'ız shul" degen eken.
Aytqan so'zi naqıl boldı, Almalı Ko'rikli aqıl boldı, Bul so'z yurtqa maqul boldı, Fa'tiyha oqıg'an eken.
Ha'r urıwg'a xabar saldı, Qon'ır at minip Mayqı keldi, Qırq kishige basshı boldı, Mayqı sa'rdar bolg'an eken.
Qırq adam bolıp ja'm boldı, Qon'ır atlı jigit kim boldı? Shul qon'ır atlı Qon'ırat dedi, Shundin "Qon'ırat" bolg'an eken. Mu'yten uranı Aqsholpan, Qıyat uranı Arıwxan, Mayqıbiy Qon'ırat bolg'an, Ekkisi qosılg'an eken... ...
Bir neshe ku'nler yol ju'rdi, Qula-biyaban sho'l ju'rdi, Ha'r bir yerden soraw saldı, Hesh xabar bolmag'an eken. Niyerlerdin' suwın ishti, Ne sawdalar basqa tu'shti, Aradan altı ay keshti, Shun'asha tapmag'an eken.
Ta'kabbirlik tawazıqını5, Haq keshirsin yazıqını, Ada qıldı azıqını, Ash-a'ptada bolg'an eken.
Mayqı taptı aqıl-oydı, Ha'r ku'nde bir, atnı soydı, Atnın' etine bir toydı, Shunnan awqat qılg'an eken.
Sa'rdar basshı Mayqı biydi, Otız tog'ız attı soydı, Mayqı atın son'g'a qoydı, At yaqshısı bolg'an eken.
Gezdi neshe ba'lent tawdı, Da'rya-ten'izni, atawdı, Bir ku'n ko'rdi aq otawdı, Maydanda qurılg'an eken. Sa'rdarı Mayqı biy eken, Aq otaw Shın'g'ıs u'yi eken, Ataw bir belli jay eken, Shul atawda bolg'an eken.
O'zgesi maydanda qaldı, Ekki adam tın'shı boldı, Namazshamda Shın'g'ıs keldi, Attan tu'sip, baylag'an eken. An'larını u'yge aldı, Oshaq qoyıp qazan astı, Qazanın asıp et saldı, Eti qaynap pisken eken.
O'zi qaynaydı, pisedi, Bisimilla dep bir asadı, Etti jup-juptan qosadı, Ka'ramatın qılg'an eken.
Miyasar etti jabbar haq, Xan tabag'ın qoydı taq, Yasadı jigirma bir tabaq, Kelgenlerin bilgen eken.
Ashnı shara-shara6 qoydı, Xan tabag'ın dara qoydı, Biyge ekew ara qoydı, Waliyhulla bolg'an eken.
"Alın'-alın', alın'," – dedi, "Siz mehriban bolın'" dedi, Barlıg'ın bir o'zi jedi, Pa'tiya oqıg'an eken.
Shunda bular xabarlastı, U'yge kirip salamlastı, Aman-esenlik sorastı, So'zlesip tanısqan eken.
Mehman bolıp shunda yattı, Ertesi bila'n tan' attı, Mayqı ba'rine so'z qattı, Xan ma'sla'ha't bolg'an eken.
Qoydı qushbegim meterdi, Shın'g'ıs xannı xan ko'terdi, Mayqıg'a ıqtıyar berdi, Xan atası bolg'an eken.
Xan nazarında da'rganı, Qurıp otawg'a ba'rg'anı, Ma'sla'ha't qıldı arbanı, Arba kerek bolg'an eken.
Qon'ırat taptı bir arısın, Man'g'ıt taptı bir arısın, O'zge ag'ashtın' ba'risin, Basqalarg'a salg'an eken.
Shunda Qan'lı usta boldı, Qag'ıp-sog'ıp arba qıldı, Shu'yit ha'm shu'yini saldı, Shunnan shu'yit bolg'an eken.
Arbag'a Shın'g'ıs xan mindi, Xan atası Mayqı mindi, At jekti, at arba qıldı, Yolg'a rawan bolg'an eken.
Bir neshe ku'nler yol yu'rdi, Qula-biyaban sho'l ju'rdi, Aman-esen elge keldi, Xannı alıp kelgen eken.
Qırq keshe, ku'ndiz toy qıldı, Bayraq qoyıp atın shaptı, Mergen altın qabaq attı, Toyın tamam qılg'an eken.
Xan keldi yurtı toq boldı, Urı-qaraqshı yoq boldı, Zorlıg'ı yoq, ten'lik boldı, Yurtı abad bolg'an eken.
* * *
A'wel babamız Mayqı biy, Anın' ug'lı Jayılg'an biy, Jayılg'an ug'lı Nag'aday, Nag'aday biy bolg'an eken.
Nag'aday biy yurt ag'ası, Jumla' Qon'ırattın' babası, Otız ug'ılnın' atası, Ulı otız bolg'an eken.
Eshitin' ya'ne bir so'z bar, So'z ma'nisin bilmek da'rkar, Jayılg'an uranı Qon'ırat bar, Shul otızdın' zu'riyadı eken. Batırlar kirse sawashqa, Na'zer etmes dag'ı-dashqa, Jayılg'annan uranı basqa, Mu'yten bila'n Qıyat eken. Qon'ırat uranı Jayılg'an, Mu'yten uranı Aqsholpan, Qıyat uranı Arıwxan, Hayal uran bolg'an eken.
Haslı a'wladı-zatını, Ko'rdim shejirede xatını, Hayal demesen' atını, Bazı bir erden zıyat eken.
Nag'aday ug'lı Qarabek, Anın' ug'lı Ja'nibek, Qallibek, Ja'nibek ug'lı Haydar, A'libek, Ug'lı ekki bolg'an eken. A'libektin' ug'lı Aqa'dil, Ya'ne birisi Baya'dil, Haydardan Edil, Jana'dil, Ol ha'm ekki bolg'an eken. A'jel jetti Haydar o'ldi, Ekki ug'lı yetim qaldı, To'rgisi enshiles boldı, Birge talap qılg'an eken. Du'nya biyjay hadden astı, Ol to'rtisi enshi alıstı, Mallarına tamg'a bastı, Tamg'a shunnan qalg'an eken. Qolına basqan Qoldawlı, Sanına basqan Ashamaylı, Juptan basqan Qostamg'alı, Tamg'ası qos bolg'an eken.
To'rtisiden zu'riyad qaldı, Jazılg'an shejire xat qaldı, Haydar, Elibek at qaldı, Sebebi shul bolg'an eken.
Nag'aday ug'lı Qarabek, Anın' ug'lı Qalbek, Ja'nibek, Qalbek ug'lı Quljan, Tolıbek, Ol ha'm ekki bolg'an eken.
Ekkisi sawdager boldı, Xannan jıg'alı xat aldı, Shunnan Xanjıg'alı boldı, Sebebi shul bolg'an eken.
Quljan sawdager geji7 aldı, Gejini satıp sawda qıldı, Shunnan Bugejili boldı, Geji sebep bolg'an eken.
Aqa'dil ug'lı Tolıbay, Tolıbay ug'lı Sarıbay, Sarıbaydın' ug'lı Ba'dekbay, Bazar g'ulpaq bolg'an eken. Bazarg'u'paqnın' ug'lı Tomay, Ba'rsheni yarattı quday, Ya'ne birisi Men'libay, Onnan Mayshı bolg'an eken.
Tomay elshi darxan boldı, Ol Tomaydan besh ug'ıl tuwdı, Beshisi ha'm ko'se boldı, Beshi beshkempir bolg'an eken.Xojakeldi, Hajıkeldi, Hajıkeldi aweli bek boldı, Onnan Xankeldi, Jankeldi, Ya'ne biri Sultan eken.
Xankeldi ug'lı Qarabas, Qarabas ug'lı Eshniyaz, Niyaznın' ug'lıdur Oraz, Ol atalıq bolg'an eken.
Hajıkeldi ug'lı Sultan, Andin Aydos, Maybas tuwg'an, Aydos yurtqa ag'a bolg'an, Kisi asıp, dar qurg'an eken. Aydosbiy yurtnın' ordası, Ekki ug'lı – Irza, To'res, Ernazar biy nemeresi, Ol qushbegi bolg'an eken.
Ma'wij urg'an da'ryaday tastı, Qılıshınan qanlar shashtı, U'sh ag'ash qurıp, kisi astı, Xan sipa'tte bolg'an eken. Irzanın' ug'lı İskender, Altın qazıq tilla kamar, İskender ug'lı Qalender, Bul ha'm bolıs bolg'an eken.
Tolıbaydan Qudayberdi, Qudayberdi yetim qaldı, Bir zag'ıyptan u'sh ug'ıl boldı, Husnı yaqshı bolg'an eken.
Qojay Qadirqul, Juman, Qarasıyraq ha'm Qalqaman, Qalqaman bila'n Mu'lkaman, Ol Qojaydın' zu'riyası eken. Bul so'zde yoqdur shubha-shek, Hasannın ug'lı Polatbek, Polattın' ug'lıdur Tu'bek, Ug'lı to'rtew bolg'an eken.
Bayımnan bergi Bekxojay, İsenbek bila'n Mırzatay, Andin son'g'ısı Aytımbay, Ug'lı O'tegen bolg'an eken.
Bayımnan Su'yin, Sin'irbay, Gu'lim, Erkinbay, Jarqınbay, Juman, Shon'qara, Ataqay Juman biyden tuwg'an eken. A'wel babası Juman biy, Shon'qara ug'lı Aymurza biy, Maxmud atalıq To'rebiy, Eli-jurttan ozg'an eken.
Bir zagıyptan Dan'qlı boldı, Andin qosag'ı tug'ıldı, Qazaqbay, Bekpolat erdi, Son'ı Baspay bolg'an eken. Ma'mbetquldın' u'sh ug'lı bar, Manaq, Bo'lek, biri Qoshqar, Olja qız-qalmaq zag'ıypı bar, Qalmaq shundin tuwg'an eken. Aqa'dil ug'lı Yaqshıbay, Qudaybergen Qarawılbay, Qarawıl ug'lı Da'stolıbay, Baydan batır bolg'an eken. Baydannın' ug'lı Jolımbay, Anın' inisi Men'libay, Esen, Tu'welbek, Polattay, Qaysı batır bolg'an eken? Men'libaydan Berdia'liy bar, Berdia'liydin' besh ug'lı bar, Qojambar bila'n Piriyar, Tu'yebay batır bolg'an eken.
Birisi Asang'aliy bay, G'ayıp batır bila'n Janqay, Su'yip batır, Qarabas, Murtay, Qarlıbay biy bolg'an eken.
Qarawıl ug'lı Durıs, Tolıbay, Qojaqhabız, Ja'rmenbetbay, Baymuratbay ya'ne Boranbay, Bayman, Jumat bolg'an eken. Ku'le suwpı Ku'shimqulı bay, Ba'rsheni yarattı quday, Qalmenbetnin' ug'lı Matay, Erma'mbetbay bolg'an eken. Qalmuxammed Matay desem, Yurttan ozg'an ba'ri sheshen, Aqlıq-shawlıg'ı qazı, iyshan, İxtisabın qılg'an eken. Qoyanbaydan Ja'rma'mbet, Qayır qılsan' qılma minnet, Ya'ne birisi Irısma'mbet, Ol Palwan biy bolg'an eken. Jilhabız ug'lı Turxoja, Besh namazın qıldı qaza, O'zi bir tentek biymaza, Bazar g'ayrat qılg'an eken.
Turxoja ug'lı Bazarbiy, Qudayberdi, Qurbanbek biy, Qurbanbek ug'lı Quwanıshbiy, Qalma'mbetbiy bolg'an eken. Baya'dilden Besim boldı, Besimbiyden bes ul boldı, Eki ug'lı hasıl boldı, Ol Biyke, Bekpolat eken.
Qızıl shatır, jasıl shatır, Aldın'ızda dushman yatır, Biykeden tuwdı u'sh batır, Jaw ko'rinse alg'an eken. Xojanazar, Su'yindik, Tolas, Erenlerden bolg'an na'pes, Biri-birinen kem emes, Go'rug'lıday bolg'an eken.
Xojanazar ug'lı Sheralı, Andin ma'hram Esengeldi, Ma'mbettin' ug'lı Elgeldi, Son'ı Abdulla bolg'an eken.
Bekpolattın' ekki ug'lı bar, Juwırıp-jortıp qıldı sapar, Biri Tu'rkmen, biri Buxar, Ol A'wezbiy bolg'an eken. Sharayna, A'dilbek, Sawıtbay, Su'yindik ug'lı Erimbiy, Sa'dirbek ju'zbası, Seksenbiy, Su'yindiktin' zu'riyadı eken. Batır boldı ma Aqtayday, Quljan qazı Hajıbay, Quwanısh batır, Tag'ay, Tog'ay, Ol Tolastın' zu'riyadı eken.
Baya'dilden Ashamaylı, Haydar ug'lı Qostamg'alı, Qandekli bila'n Qoldawlı, Enshisin bir alg'an eken.
Bir so'z bar, qılalı izhar, Haydarnın' ekki ug'lı bar, Malg'a salg'an tamg'ası bar, Tamg'ası qos bolg'an eken.
Edil malg'a tamg'a bastı, Tamg'asını sang'a bastı, Qos tamg'a ashamay bastı, Ashamaylı tuwılg'an eken.
Jana'dil ha'm tamg'a salg'