Тушуниб етдим!

Сени «севиб бўлмас, мумкин эмас»лар,
Барчаси ёлғондир, бариси чўпчак
Ёришган у гўзал тонгларнинг,
Ёрини кўрмаслар аслида тентак.
Севиш мумкинмасмуш,
Ишқлар душманмуш...
Бариси бекор!
Қалбимизни қолдирмайлик зор.
Жунун тунларимнинг, овсар кунларнинг
Ҳарир саболари бўйингни бўйлар.
«Мана мен!» алвон сўзларнинг
Эгаси ўзимман, Орзулар сўйлар…
Қулоқ тутма, ўйлама сўнгсиз
Адоқсиз изтироб бўлсин бегона.
Кўнглингни тута қол кафтимда олиб
Берарман оловни гулханда ёниб…
Келаверсангчи…
Мана Мен севарман дунё афсона,
Қаршингдаги ҲАЁТ асли девона…
Титлайверсинлар!!!
Ҳе, ўша!
«Ўйнаб қўяйин!»…
Кўнгилгинангда
Майлида, ўзим ўлайин…
Равшан ШАМС
13-03-20