Паважаныя сябры! Мы рады Вас бачыць на старонцы Стаўбцоўскай раённай арганізацыі Грамадскага аб'яднання "Таварыства беларускай мовы імя Францішка Скарыны". Таварыства беларускай мовы – гэта дабраахвотная масавая грамадская арганізацыя, у якой аб’ядналіся грамадзяне з мэтай культурна-асветніцкай дзейнасці ў галіне адраджэння беларускай мовы і беларускай нацыянальнай культуры. Сёння ТБМ налічвае больш за 6 тыс. сяброў у Беларусі і за яе межамі. У розныя часы сябрамі ТБМ з’яўляліся Янка Брыль, Генадзь Бураўкін, Васіль Быкаў, Артур Вольскі, Анатоль Клышка, Зянон Пазняк, Максім Танк, Уладзімір Арлоў, Васіль Зуёнак, Ніл Гілевіч і іншыя знакамітыя дзеячы нашай Радзімы.