3-5 лістапада 2023 года РГА «Рана» прымае ўдзел у 10-й выставе-інтэрактыве «Мацярынства і дзяцінства».

Сёлета выстава пройдзе на новай камфортнай пляцоўцы «Falcon Club Arena» па адрасе: Мінск, пр-т Пераможцаў, 20.
Падчас працы выставы чальцы, супрацоўнікі і валанцёры аб'яднання з нецярпеннем будуць чакаць на нашым стэндзе А5 (левы ўваход) бацькоў і іх дзяцей, медыцынскіх спецыялістаў і ўсіх, каму цікава, чым займаецца наша грамадская арганізацыя і каму мы дапамагаем.
У секцыі «Маміна школа» з дакладам «Міфы пра грудное гадаванне» выступіць акушэр-гінеколаг, кансультант па грудным гадаванні, маці двух неданошаных хлапчукоў Святлана Брашавец.
У кансультацыйнай зоне для вас будуць працаваць:
Алена Васілевіч, псіхатэрапеўт вышэйшай кваліфікацыйнай катэгорыі, гештальт-тэрапеўт, супервізар, маці неданошанага дзіцяці.
Кансультацыя па пытаннях:
- эмацыйны стан (трывога, зніжэнне настрою);
- дзіцяча-бацькоўскія адносіны;
- адносіны ў пары.
Вольга Скарбенка, псіхолаг (кагнітыўна-паводзінавы падыход), маці двух неданошаных дзяцей.
Кансультацыя па пытаннях:
- жыццё перыяду заўчасных родаў (трывожнасць, віна, немач, прыняцце, пошук рэсурсаў);
- народзіны дзіцяці з асаблівасцямі здароўя;
- дзіцяча-бацькоўскія адносіны;
- станаўленне, самавызначэнне, самаідэнтыфікацыя.
Аляксандра Бягун, дарослы і дзіцячы псіхолаг.
Кансультацыя для дзіцяці, падлетка, дарослага па пытаннях:
- даследаванне сябе (жаданняў, магчымасцяў, асабістых меж, рэсурсаў, самарэалізацыяй і інш.);
- даследаванне адносін з іншымі (дзецьмі, бацькамі, сябрамі, працай, грашамі і інш.).
На арт-пляцоўцы мамамі-валанцёрамі аб'яднання будуць арганізаваны майстар-класы:
- майстар-клас «Разумнае маляванне» ад Ксеніі Буксавай;
- майстар-клас па нейралепцы ад Анастасіі Гаўрылавай;
- майстар-класы па вязанні камплектаў і тэрапеўтычных цацак для неданошаных дзяцей ад Анжэлы Чувыкиной і Юліі Івашка;
- майстар-клас «Скарына дзеткам» ад Таццяны Сапегі і Марыі Каралёвай.
Падрабязнасці па кошце ўваходу на выставу - на сайце арганізатара выставы ВУП "Экспафорум".
Шчырыя словы падзякі арганізатарам выставы за магчымасць на ільготных умовах нашаму грамадскаму аб'яднанню прымаць удзел у выставе!
#рано #недоношенныедети #спешимжить #экспофорум