ԴԱՍ - 25 - ՀԱՎԻՏԵՆԱԿԱՆ ԴԱՏԱՍՏԱՆ

Նախ հիշենք, թե ըստ Աստվածաշնչի ի՞նչ է սպասվում մարդուն մահից հետո: Մարդու ֆիզիկական մարմինը դառնում է հողին, իսկ հոգին Աստծո առջև պետք է կանգնի և պատասխան տա ըստ իր գործերի: Ժող.12:7; Եբ.9:27;

Ըստ սուրբ գրվածքի ներկայումս մարդկանց հոգիների համար գոյություն ունի դրախտ և դժոխք: Ղուկ.16:22,23; 2Կոր.12:4;

Այն մարդիկ, որոնք Աստծո կողմից արդարացված են, մահից հետո նրանց հոգին պահվում է դրախտում` մինչև հարության օրը: Դրանից հետո նրանք կմտնեն իրենց հավիտենական վիճակի մեջ: Իսկ այն մարդիկ, որոնք չեն հավատում և չեն հնազանդվում Աստծո ճշմարտությանը, նրանց հոգիները, մահից հետո, պահվում է դժոխքում` մինչև դատաստանի օրը: Եւ դատաստանից հետո նրանք կգնան իրենց համար որոշված հավիտենական տանջանքի վայրը` կրակով և ծծմբով վառվող լիճը: Ղուկ.16:19-31; 23:43; Հայտ.6:9; 20:14,15;

Այս թեման կուսումնասիրենք երեք բաժիններով.

1. Ո՞Վ Է ԴԱՏՈՂԸ ԵՎ Ի՞ՆՉ ՕՐԵՆՍԳՐՔՈՎ Է ԼԻՆԵԼՈւ ԴԱՏԱՍՏԱՆԸ

2. ՈՎՔԵ՞Ր ԵՆ ԳՆԱԼՈւ ՀԱՎԻՏԵՆԱԿԱՆ ՏԱՆՋԱՆՔ

3. ՍՈւՐԲԵՐԻ ԱՏՅԱՆԻ ԱՌՋԵՎ ԿԱՆԳՆԵԼԸ

1. Ո՞Վ Է ԴԱՏՈՂԸ ԵՎ Ի՞ՆՉ ՕՐԵՆՍԳՐՔՈՎ Է ԼԻՆԵԼՈւ ԴԱՏԱՍՏԱՆԸ

Սուրբ Գիրքը բացահայտում է, որ Աստված է դատաստանն անողը.

Ա. Տեր Հիսուսի ձեռքով. Հովհ.5:27; Հռ.14:10-12; 2Կոր.5:10; 2Տիմ.4:1;

Բ. Հարուցյալ հավատացյալների ձեռքով. Մտթ.19:28; 1Կոր.6:2,3; Հուդա 14,15;

Դատաստանի Օրենսգիրքն էլ Ավետարանն է: Հովհ.12:47,48; Հռ.2:16; Ամեն մարդ դատվելու է ըստ իր գործերի, և դատը լինելու է իրավունքով, արդար, անաչառ և անկաշառ: 2Մնաց.19:6,7; Սաղ.19:9; Հայտ.13:16-18; 16:7; 20:12,13;

2. ՈՎՔԵ՞Ր ԵՆ ԳՆԱԼՈւ ՀԱՎԻՏԵՆԱԿԱՆ ՏԱՆՋԱՆՔ

Հավիտենական տանջանք գնալու են նրանք.

Ա. Ովքեր չհավատացին Աստծուն: Հովհ.3:18;

Բ. Ովքեր չեն ճանաչում Աստծուն և չեն հնազանդվում Տեր Հիսուսի Ավետարանին: 2Թսղ.1:8;

Գ. Ովքեր չընդունեցին ճշմարտության սերը` Աստծո սերը: 2Թսղ.2:10,11;

Դ. Անիրավություն գործողները: 1Կոր.6:9; 2Պետ.2:9;

Ե. Ովքեր կընդունեն գազանի ստրկացնող համակարգը, որը արտահայտվելու է ՙգազանին՚ կա´մ նրա պատկերին երկրպագությամբ, կա´մ ընդունելով նրա անունով համարակալումը, կա´մ էլ նրա կնիքը ընդունելով իրենց ձեռքին կամ ճակատին: Հայտ.14:9-11;

Զ. Սատանան, իր հրեշտակները և իրեն հետևող բոլոր մարդիկ հավիտյան լինելու են կրակով և ծծմբով վառվող լճի մեջ, որտեղից այլևս ելք չկա: Եւ նրանք տանջվելու են հավիտյան` առանց դադարի, որը ըստ Սուրբ Գրքի կոչվում է երկրորդ մահ կամ հավիտենական մահ: Մտթ.25:41-46; 2Թսղ.1:8,9; Հուդա 6; Հայտ.14:10,11; 19:19,20; 20:9-15; 21:8;

Դատապարտվածները լինելու են հավիտենական` չվոչնչացող հոգևոր` ոչ միս ու արյուն մարմնով: 1Կոր.15:44,50;

3. ՍՈւՐԲԵՐԻ` ԱՏՅԱՆԻ ԱՌՋԵՎ ԿԱՆԳՆԵԼԸ

Աստծո սուրբերը նույնպես կանգնելու են Քրիստոսի ատյանի առջև, որպեսզի ըստ իրենց գործերի վարձատրվեն: Մտթ.25:31,32,40; Հռ.14:10; 2Կոր.5:10; Հայտ.11:18;

Ամփոփում. Հավիտենական դատաստանի գործը կատարվելու է Հիսուս Քրիստոսի և իրեն հավատացողների ձեռքով ընդհանուր մարդկության հարությունից հետո: Դատաստանի Օրենսգիրքը լինելու է Ավետարանը: Դատապարտվածները լինելու են հավիտենական կրակի լճում, ովքեր չեն ճանաչել Աստծուն և չեն հնազանդվել Հիսուս Քրիստոսի Ավետարանին: