Пӱртӱсыштӧ пайдалын каналтышна

Тиде кечылаште ме уло школге туристын илышыж дене палыме лийна. Йоча-влак дене походыш мийышна, пырля каныме, чолга да ик шӱлышан гай улмо пайремым пӱртӱсыштӧ эртарышна. Кажне класс чулымлыкшым да кертмыжым ончыктен, таҥасымашлаште вийжым терген. Тӱрлӧ площадкыште рвезе-влак писылыкым, уш-акылым да пашам пырля ыштен моштымыштым ончыктеныт. Кажне номинацийыште сеҥыше-влаклан грамотым кучыктымо. Но тӱҥ сеҥымаш - тиде приз огыл, а пеҥгыдемше келшымаш да икте-весым умылымаш.
Тиде турпоход яндар южышто жапым веселан эртараш, учебник-влак деч каналташ да командыште икте-весылан эҥертымаш пеш кӱлешан улмым ончыкташ пеш сай йӧным пуэн.
М. ЯПАРОВА. Кужнур, Бирск район.
Авторын фотожо-влак.