Вузлаште студент ешаралтын

Тений Башкирийысе вузлашке икымше курсыш 29 тӱжем утла студент тунемаш пурен. БР Наука да кӱшыл образований шотышто кугыжаныш комитетым вуйлатыше Светлана Мустафинан рашемдымыж почеш, куд федеральный да республикысе ик вузын данныйыштым лончылымаш самырык-влак коклаште кӱшыл образованийым налаш кумылан-влак ешаралтмым ончыкта.