Кыш та кереп бара, ашыкмыйча..

Кыш та кереп бара, ашыкмыйча,
Юк, карлары әле күренми,
Көз азагы..җирләр инде туңда,
Бик ашыгып кына эреми..
Иртәләрен бәстән агарышкан,
Сөргән бакчаларның өсләре,
Әрәмәдә, ап-ак керпе сыман,
Тырпаешкан җирдән кәсләре.
Шәрә ботакларның очларыннан,
Шыбырдашып суык җилләрдә,
Төндә сырган бозлы тамчыларны,
Кага - суга, өреп җилгәрә.
Баскан адымнарга инде, туң җир,
Серле бизәкләрен чиккән дә,
Бераз шыгырдаган тавыш бирә:
-Таптама!- дип, астан эткәндәй,
Йөгереп үткән, тиз-тиз, көн яктысы,
Көнең азагын көтеп үрелми,
Кыш та кереп бара ашыкмыйча,
Юк, карлары әле күренми..
Рамзис Мишәр.