ДИҚҚАТ: ОГОҲ БЎЛИНГ!

1998 йилда Москва шаҳрининг бош санитар врачи АҚШдан келтирилаётган “бройлер”ларнинг импортини таъқиқлади.2002 йилда эса Хитой ҳукумати инсон соғлиғига зарарли бўлгани учун океан ортидан келтирилган 24.4 тонна “бройлер”ларни йўқ қилганди. Сўнг Хитойда ҳам ушбу модификацияли гўшт маҳсулотларининг четдан келтирилиши таъқиқланди. 2002 йилнинг январидан бошлаб Украина махаллий ветеринарлари АҚШданкелтирилаётган гўшт маҳсулотлари импортини бутунлай таъқиқлади. Нега?..
Экспертлар хулосасидан кўчирма:
Океан ортидан келтирилаётган гўшт маҳсулотлари ҳақидаги Европа ва Украина экспертлари хулосасининг қисқача мазмуни шундай эди: “ окорочка” бўлишга маҳкум этилган барча жўжалар касалланиб, гўштга топширилишдан илгари жон таслим қилмаслиги учун улага мунтазам равишда антибиотиклар єилиниб, тез семириши учун гармонлар билан боқилади.
Хўш, бунинг нимаси ёмон, деб сўрашингиз мумкин. Гап шундаки, бундай товуқ гўштини тановвул қилиш орқали, унинг хужайраларида мавжуд антибиотикларни ҳам баб-баробар истеъмол қиласиз. Маълум вақтдан сўнг эса жисмингизда ҳар қандай антибиотикларга қарши “ажойиб иммунитет” ҳосил бўлади. Худо кўрсатмасин, касал бўлиб қолсангиз, дори ичаверасиз-у, у сизга сира таъсир қилмайди. Буни "окорочка юрти" — америкалик врачларҳам тан олишган эди.
БИЛАСИЗМИ?
Бройлер — (инглизча: broiler, broil) оловда қовуриш деган маънони билдиради.
Бройлер тез етиладиган гўштдор жўжа. Ундан асосан парҳез таомлар тайёрланади. Бройлер гўшти олиш учун жўжа қисқа муддатда етарли даражада семиртирилади. Бунда оғир вазнли ва тез етиладиган Росс-308, “Кобб”, “Хабборд F-15” бройлер кросслари, “корниш”, “оқ плимутрок”, “Суссекс”, “ньюгемпшир” каби сертухум ва сергўшт зотли хўроз ва товуқларнинг чатишишидан олинган дурагай жўжалардан фойдаланилади. Шунингдек, 8 ҳафталик ўрдак, 12 ҳафталик ғоз ва цесарка, 19 ҳафталик курка жўжаларини гўштга боқиш ҳам бройлер дейилади.
Маълумот учун
· Мамлакатимизда парранда гўшти ишлаб чиқариш ҳажми 43 минг тонна дан ошиқни ташкил этади.
· Шунингдек, бройлер жўжалари етиштирадиган 16 та энг йирик паррандачилик хўжаликлари мавжуд.
· Маълумотларга кўра, парранда гўшти тез ҳазм бўлиш хусусиятигакўра барча турдаги чорва моллари гўштидан устун. Бройлер жўжаси гўштининг ҳазм бўлиш коэффициенти 94 – 95 фоизни ташкил килади.
Мутахассис фикри
БРОЙЛЕР НЕЧА КУНДА СЕМИРАДИ?
Шахбоз Тўраев, (паррандачилик хўжалиги, Қашқадарё)
Гўштга боқиладиган бройлер жўжаларнинг 38-42 кундаги тирик вазни 2,3-2,5 кг. бўлса, шу муддатда оддий жўжанинг тирик вазни 1,2-1,4 кг.нигина ташкил этади. Шунингдек, тажрибадан ўтиб келаётган бир тавсияниёддан чиқарманг: гўшт олиш учун боқилдадиган бройлер жўжалари етилгач, технология бўйича 1-2 кун ичида сўйилиши шарт. Сўйиш муддати чўзилиб кетса, улар тирик вазнини тезда йўқотади. Бройлерларни боқиш вақти узоғи билан 5-6 ҳафтани ташкил этади.
ТАРКИБИ
Юртимизда бройлер жўжалари биологик, яъни ўз таркибида меъёрга асосан озуқа моддалари, 20 дан ортиқ витаминлар, макро ва микроэлементлари мавжуд бўлган витамин– минералли премикслари билан бойитилган, тўйимли васифатли омухта ем билан озиқлантирилади. 2 ойлик жўжа гўшти таркибида 20 фоизга якин оксил, 10-12 фоиз ѐ ғ бўлади.
ТИББИЙ ХУЛОСА
Дунё экспертларининг сўнггитадқиқотлари товуқларнинг семиришини сунъий тарзда жадаллаштириш мақсадида уларга бериладиган гормонлар, паррандаларларнинг сон гўштида тўпланиб қолишини исботлади. Бундай гўштларнинг кўп истеъмол қилиниши эса инсон организмидаги эндокрин ва иммун системаларига жиддий салбий таъсир кўрсатиб,келгусида наслдан наслга ўтувчи турли ирсий касалликларнингкелиб чиқи хавфини туғдиради.