⏲🎀4 сентябрьыште Ленинград областьысе Келшымаш пӧртыштӧ Марий Элысе да Ленинград кундемысе художник-влакын «Межрегиональный пленэр «АРТ-содружество» ончерышт почылтын.

🎨Тиде проектым Президентын культур инициативе фондшын полшымыж дене илышыш шыҥдарыме. Тылеч ончыч кундемна гыч сӱретче-влак И.Ямбердов, В.Чеботкин, С.Алдушкин, И.Стан да А.Шаргина Санкт-Петербургысо художник-шамыч дене пырля Невский Пятачокышто кум кече пленэрыште лийыныт. Тудо Ленинградысе блокадын пытымыжлан 80 ий теммылан пӧлеклалтын.
Художник-влак Невский Пятачокысо пӱртӱсым сӱретленыт, моло композицийым келыштареныт. Ты ончер 24 сентябрь марте Питерыште ончыкталтеш, вара тудым Йошкар-Олашке кондат.
📷Россий Художник ушемын Марий Элысе пӧлкажын альбомжо гыч.