ОҤАЙ ЛӰМ 💁‍♀ Виолетта

Виолетта Егорова Морко район Шлань ялыште шочын-кушкын. Пошкудо Унчо ялыш марлан лектын, кызыт аза дене декрет канышыште шинча.
– Мылам тыгай лӱмым ковам Галина Николаевна пуэн. Тудлан ик киношто Виолетта лӱман героине келшен. Лӱм моторын йоҥгымыла чучын, да ковам уныкажым тыге лӱмдаш шонен пыштен. Тудо жапыште тыгай лӱманже ялыште мый гына лийынам. Шке лӱмем мыланем эреат келшен. Йочам годым изирак-влак ойлен моштен огытыл да кӱчыкемдаш йодыныт, тидлан сыренат колтем ыле.
Виолетта лӱм латин йылме гыч лектын да фиалке пеледышым ончыкта. Тудын значенийже ныжылгылык, ум шонен луктын моштымо да моторым йӧратыме дене кылдалтеш.
📸 В.Егорован альбомжо гыч налме фото.