УК "Мастацка-этнаграфічны музей імя Я.Н. Драздовіча", створаны ў 1991 годзе ў вёсцы Германавічы Шаркаўшчынскага раёна Віцебскай вобласці. Заснавальнік музея - настаўніца Германавіцкай сярэдняй школы Ада Эльеўна Райчонак. Размяшчаецца ў былым палацы Шырынаў, помніку архітэктуры XVIII ст. Мае чатыры экспазіцыйныя залы. Асноўны фонд музея складае каля 7000 музейных прадметаў.