Бир куни Будданинг ёнига бир йигит келиб «Муҳаббат бор нарсами?

», деб сўради. «Ҳа, бор!», деб жавоб берди Будда. Яна бир йигит келиб шу саволни сўраган эди, у «Бўлиши мумкин» деб айтди. Ёнига келган учинчи йигитга эса, «Йўқ, муҳаббат йўқ нарса» деган жавобни берди.
Бу ҳолни кузатиб, ажабланиб турган шогирдлари Буддадан бир саволга нима учун уч хил жавоб берганини сўрадилар.
⸺ Чунки бу битта саволни уч хилдаги одам сўради, ⸺ деди Будда жилмайиб. ⸺ Ҳолбуки, муҳаббат бор. Лекин унга кимдир ишонч билан, кимдир гумон билан, яна кимдир инкор билан эришади.
(Ҳинд ривояти.)
Сизчи, сиз қандай эришасиз қадрдоним?