2021 йил 27 август куни "Ўзбекистон" локомотив депосининг автоулагичларни таъмирлаш цехида, капитал таъмирдан сўнг тантанали очилиш маросими бўлиб ўтди.

Тадбирда "Ўзбекистон темир йўллари" АЖ техник ва технологик назорат қилиш бошқармаси бошлиғи Каршиев О.К., мехнат муҳофазаси, техника ва саноат хавфсизлиги бошқармаси бошлиғи Асомходжаев Р.Р. , "Ўзбекистон" локомотив депоси бошлиғи Махаматов Ф.Э ҳамда корхона ишчи-ходимлар иштирок этдилар.
Капитал таъмирдан сўнг цех шлифовка қилиш учун бурмашина, стеллажлар, кўргазмали қуроллар ва вентиляция тизими билан жихозланди.
Бундан ташқари, техника хавфсизлигини таъминлаш учун тўсиқ панжаралар ўрнатилди.
Цехда мехнат фаолиятини олиб бораётган ишчи ходимлар қайта ўқитилди, дефектоскоп билан ишлайдиган мутахассислар сертификатга эга бўлдилар. Таъкидлаб ўтиш жоизки, цехни капитал таъмирлаш ва жиҳозлаш ишлари "Ўзбекистон" локомотив депоси томонидан амалга оширилди.