Крымінальнае чытво / Pulp Fiction (1994)

«Крымінальнае чытво» (ангельская: Pulp Fiction) — адзін з самых вядомых фільмаў рэжысэра Квэнціна Таранціна. Уладальнік прэміі «Оскар» за лепшы сцэнар, «Залатой пальмавай галінкі» Канскага кінафэстывалю 1994 году й яшчэ сарака кінематаграфічных узнагародаў. Карціна таксама мела вялікі посьпех у публікі й лічыцца найважнейшаю вяхою ў гісторыі кінематографа, якая дала адчувальны штуршок разьвіцьцю незалежнага амэрыканскага кіно.
«Крымінальнае чытво» - зрэз крымінальнага сьвету Лёс-Анджэлесу. Ва ўсім яго цынізьме, непасрэднасьці й жорсткасьці. Гэта востры гумар, складаныя псыхалягічныя сцэны, незвычайнае рэжысэрскае вырашэньне.