MEN BAXTIMNI KUTIB YASHAYMAN

Yurak, menga yolg'on so'zlama,
Goh oshkor, goh pinhon so'zlama,
Sen ham mendek g'amdan bo'zlama,
Men baxtimni kutib yashayman.
Do'st-u yorim mendan kechsa ham,
Hijronlardan kuylovchi nayman,
Bugun yana ko'zlarimda nam,
Men baxtimni kutib yashayman.
Bu osmonning yulduzlri bor,
Suyganimning ko'ngillari tor,
Men vasliga xumorman, ey yor,
Men baxtimni kutib yashayman.
Ishq degani oddiy hol debman,
Muhabbatni hudo berarkan,
Majnundan ham ortiq sevibman,
Men baxtimni kutib yashayman.
Men hudoning suygan bandasi,
Sevganidan kuygan bandasi,
Sevgidan g'am tuygan bandasi,
Men baxtimni kutib yashayman.
Sevgi borki, dilda halovat,
Har so'zimda o'tli nafosat,
Kunlarimning sozi tarovat,
Men baxtimni kutib yashayman.