Илбек Ада чаада минің 2 тайым чааласхан.

Пастағызы, Леонид Семёнович Спирин полған. Ол 1939 чылда армияа парған, анаң чааға парыбысхан. Ӏкінҷізі, Александр Семёнович Спирин полған. Чааға 1941 чылда хабылған, кавалерист полған. Анаң олар ікӧлең палығлат салған соонаң тӧреен чирлерінзер айланғаннар.
Минің іҷем, Мария Семёновна Спирина, хакас ады Мака полған, іҷезінең 3 частығда халған. Ӏҷезі ӱреенде, ол пас чӧр полбаҷаң даа полтыр. Аны ӧӧй іҷезі Феодосия Николаевна Помина, хакас ады Поскы, 3 харынға одыртып, имнеп алтыр. Мал сохса, малның ізіг хурсағына одыртчаң полтыр. Ол анда, хурсах сооп парғанҷа, одырҷаң полтыр. Ӏди хурсахха одырған соонаң минің іҷем пас чӧр сыхтыр тіп, чоохтапча тынағдағы ууҷа Вера Ивановна Дреманова-Спирина. Сағам ол Сыра аймааның Азах Сӧӧт аалында чуртапча. #ХакасРадио