Ағбанда ол алғым таныхталды. «Ӧлімі чох полк» чӧрісте дее чон кӧп араласхан. Пӱӱл ол, Пушкин орамадаң пасталып, Щетинкин орамаҷа парып, Ленин проспектінҷе иртіп, Мӧңе отха теере читкен. Ӧлімі чох полк араласчылары постың чааҷы-улуғларының сомнарын апарғаннар. Піреезі 1 сомнығ сыхханнар, піреелері пір саңай 2-3 сомны апарғаннар. Піреезінің ағас штендерлер полғаннар, піреелерінің пластик штендерлер полғаннар. Пірее штендерлерде сомнар чох полған. Андағларда Илбек Ада чааҷыларының аттары ла пазылых полған.Улуғларға, тізең, сомнарны апарарға аар полчатханнаңар, олар Ӧлімі чох полкта, сомнығ значоктарны кӧксілеріне хазап, парғаннар.Халғанҷы туста кізілер 9 майға ӧнетін чазанып сыхчалар. Ӏди кӧксілеріне георгиевскай чалама хазап алчалар, пастарына пилотка кисчелер. Пӱӱл хай-пірее кізілер сӧбіредең, тӧӧй тонанып, сыхханнар. Ӏди чон аразында ах футболкалығ сӧбірені кӧрерге киліскен. Оларның футболкаларында 9 майның тании полған.Ӧлімі чох полкта араласхан кізілер постың улуғларын піди сағысха киргеннер.
Радио России-Хакас Радио 91FM
Илбек Чиңістің 80 чылы ирт парды.
Ағбанда ол алғым таныхталды. «Ӧлімі чох полк» чӧрісте дее чон кӧп араласхан. Пӱӱл ол, Пушкин орамадаң пасталып, Щетинкин орамаҷа парып, Ленин проспектінҷе иртіп, Мӧңе отха теере читкен. Ӧлімі чох полк араласчылары постың чааҷы-улуғларының сомнарын апарғаннар. Піреезі 1 сомнығ сыхханнар, піреелері пір саңай 2-3 сомны апарғаннар. Піреезінің ағас штендерлер полғаннар, піреелерінің пластик штендерлер полғаннар. Пірее штендерлерде сомнар чох полған. Андағларда Илбек Ада чааҷыларының аттары ла пазылых полған.
Улуғларға, тізең, сомнарны апарарға аар полчатханнаңар, олар Ӧлімі чох полкта, сомнығ значоктарны кӧксілеріне хазап, парғаннар.
Халғанҷы туста кізілер 9 майға ӧнетін чазанып сыхчалар. Ӏди кӧксілеріне георгиевскай чалама хазап алчалар, пастарына пилотка кисчелер. Пӱӱл хай-пірее кізілер сӧбіредең, тӧӧй тонанып, сыхханнар. Ӏди чон аразында ах футболкалығ сӧбірені кӧрерге киліскен. Оларның футболкаларында 9 майның тании полған.
Ӧлімі чох полкта араласхан кізілер постың улуғларын піди сағысха киргеннер.
Паза 9 майға «Мин — ол чааҷының пархазыбын» сомнар кӧзідии азылған. Ол Ағбанның культура паза тынанҷаң паркында орныхча. Анда Саражаковтарның, Киштеевтернің, Арчимаевтернің, Алахтаевтернің паза даа пасхаларының сомнарын кӧрерге чарир. Сомда пір сӧбіренің чааҷылары сомнал парғаннар. Пірсі, Илбек Ада чааның чааҷызы паза ікінҷізі, аның СВО-да чааласчатхан пархазы полча. Ана андағ пір сомда СВО араласчылары Алексей Дмитриевич Саражаков Альтаир оолғынаң хада паза аның Илбек Ада чаада чааласхан ағазы Константин Митрофанович Кольчиков кӧзіділ парғаннар.
Алексей Дмитриевич Саражаков позының ағазын піди сағысха кирче.#ХакасРадио