Полтах аалдағы хайалар искусствозынҷа музейде тастар иптелчелер, арығлалчалар.

Пу музей 1993 чылда тӧстелген. Пеер хайалар чазылардаң 1988-1989 чылларда кӧзірілгеннер. Пу тоғыс чазыларны хыра тоғыстарына тимнепчеткен туста апарылған. 1ди сағам музейде Асхыс паза Пии аймахтарындағы чирлердең ағылған хайалар турчалар тіп, таныхтапча Полтах аалның хайалар искусствозынҷа музейінің тоғынҷызы Светлана Анатольевна Сагалакова. Пу тоғыста 3 чыл тоғын парир.
Музейдегі хайаларға 4 муң азыра чыл. Олар бактерияларға пастырчалар. Аның ӱчӱн тастардағы хоостар кӧрінмин сыхчалар. Анаңар оларның соонҷа наука тоғынҷылары кӧрчелер. Музейзер удаа Кемеров облазьындағы «Томскай писаница» тіп музей-заповедниктің улуғ наука тоғынҷызы, Сибирьнің археологиязынҷа паза хайалар искусствозынҷа специалист Елена Александровна Миклашевич кил парча. Ол тастардағы бактерияларны істесче. Аның соонаң олардаң тоғыр имнер сығарылча. Музейдегі тастарны ана ол иптеп салып, парыбысча тіп, чоохтапча Светлана Анатольевна.
Пу Полтах аалдағы музейдегі хайалар учёнайларның хайиин тартчалар. Пеер 2 чыл изерістіре Ӱстӱнзархы Кореядағы Сеул городтаң доктор Ким Хо Сок кил парча.